________________
२९०
आयारे
६२. अह पुण एवं जाणेज्जा-उवाइक्कते खलु हेमंते, गिम्हे पडिवन्ने,
अहापरिजुण्णं वत्थं परिवेज्जा, अहापरिजुण्णं वत्थं परिहवेत्ता६३. अदुवा अचेले। ६४. लाघवियं आगममाणे।
६५. तवे से अभिसमण्णागए भवति ।
६६. जमेयं भगवता पवेदितं, तमेव अभिसमेच्चा सव्वतो सव्वत्ताए
समत्तमेव समभिजाणिया।
एगत्तभावणा-पदं ६७. जस्स णं भिक्खुस्स एवं भवइ-एगो अहमंसि, न मे अत्थि कोइ,
न याहमवि कस्सइ, एवं से एगागिणमेव अप्पाणं समभिजाणिज्जा।
१८. लाघवियं आगममाणे।
६६. तवे से अभिसमन्नागए भवइ ।
१००. जमेयं भगवता पवेदितं, तमेव अभिसमेच्चा सव्वतो सव्वत्ताए
समत्तमेव समभिजाणिया।
अणासायलाघव-पदं १०१. से भिक्खू वा भिक्खुणी वा असणं वा पाणं वा खाइम वा
साइमं वा आहारेमाणे णो वामाओ हणुयाओ दाहिणं हणुयं संचारेज्जा आसाएमाणे, दाहिणाओ वा हणुयाओ वामं हणुयं णो संचारेज्जा आसाएमाणे, से अणासायमाणे ।
Jain Education International 2010_03
For Private & Personal Use Only
www.jainelibrary.org
