________________
२८४
६८. एयं खु तस्स भिक्खुस्स सामग्गियं ।
६९. अह पुण एवं जाणेज्जा - उवाइक्कंते खलु हेमंते, गिम्हे पडिवन्ने, अहापरिजुणाई वत्थाइं परिट्ठवेज्जा, अहापरिजुण्णाई वत्थाई परिवेत्ता -
७०. अदुवा एगसाडे ।
७१. अदुवा अचेले ।
७२. लाघवियं आगममाणे ।
७३. तवे से अभिसमन्नागए भवति ।
आयारो
७४. जमेयं भगवता पवेदितं तमेव अभिसमेच्चा सव्वतो सव्वत्ताए समत्तमेव समभिजाणिया ।
गिलाणस्स भत्तपरिण्णा-पदं
७५. जस्स णं भिक्खुस्स एवं भवति - "पुट्ठो अबलो अहमंसि, नालमहमंसि गिनंतर संकमणं भिक्खायरिय-गमणाए " से एवं वदंतस्स परो अभिहडं असणं वा पाणं वा खाइमं वा साइमं वा आहट्टु दलएज्जा, से पुव्वामेव आलोएज्जा “आउसंतो ! गाहावती ! णो खलु मे कप्पइ अभिहडे असणे वा पाणे वा खाइमे वा साइमे वा भोत्तए वा, पायए वा, अण्णे वा एयप्पगारे ।"
Jain Education International 2010_03
For Private & Personal Use Only
www.jainelibrary.org
