________________
८२
आयारो ५५. सहपमाएणं अणेगरूवाओ जोणीओ संधाति, विरूवरूवे फासे
पडिसंवेदेइ। ५६. से अबुज्झमाणे हतोवहते जाइ-मरणं अणुपरियट्टमाणे।
परिग्गह-तद्दोस-पदं ५७. जीवियं पुढो पियं इहमेगेसि माणवाणं, खेत्त-वत्थुममायमाणाणं ।
५८. आरतं विरत्तं मणिकुंडलं सह हिरण्णेण, इत्थियाओ परिगिज्झ
तत्थेव रत्ता। ५९. ण एत्थ तवो वा, दमो वा, णियमो वा दिस्सति। ६०. संपुण्णं बाले जीविउकामे लालप्पमाणे मूढे विप्परियासुवेइ ।
६१. इणमेव णावकंखंति, जे जणा धुवचारिणो।
जाती-मरणं परिण्णाय, चरे संकमणे दढे ॥
६२. णत्थि कालस्स णागमो।
६३. सव्वे पाणा पियाउया सुहसाया दुक्खपडिकूला अप्पियवहा . पियजीविणो जीविउकामा ।
Jain Education International 2010_03
For Private & Personal Use Only
www.jainelibrary.org
