________________
७४
आयारो १८. उवाइय-सेसेण वा सन्निहि-सन्निचओ कज्जइ, इहमेगेसिं
असंजयाणं भोयणाए।
१९. तओ से एगया रोग-समुप्पाया समुप्पज्जति ।
२०. जेहिं वा सद्धि संवसति ते वा णं एगया णियगा तं पुवि परिहरंति,
सो वा ते णियगे पच्छा परिहरेज्जा ।
२१. नालं ते तव ताणाए वा, सरणाए वा।
तुमंपि तेसिं नालं ताणाए वा, सरणाए वा । २२. जाणित्तु दुक्खं पत्तेयं सायं । २३. अणभिक्कंतं च खलु वयं संपेहाए ।
२४. खणं जाणाहि पंडिए !
२५. जाव सोय-पण्णाणा अपरिहीणा,
जाव णेत्त-पण्णाणा अपरिहीणा, जाव घाण-पण्णाणा अपरिहीणा, जाव जीह-पण्णाणा अपरिहीणा, जाव फास-पण्णाणा अपरिहीणा।
२६. इच्चेतेहिं विरूवरूवेहिं पण्णाणेहिं अपरिहीणेहि आयलै सम्म समणुवासिज्जासि ।
–त्ति बेमि।
Jain Education International 2010_03
For Private & Personal Use Only
www.jainelibrary.org
