Page Text
________________
२९२
हितोपदेशः । गाथा-२३० - विनयगुणविषये अभयकुमारकथानकम् ।।
आलावहासपरितोसियाइ देवीइ चिल्लणाइ तओ । अविउत्तो पल्लंके निवई निद्दासुहं पत्तो ।।२३।। परिरंभभेइणीए निहाइ भरेण पयइसुकुमालो । उत्तरपडाउ बाहिं हत्थो देवीइ नीहरिओ ।।२४।। अलिकंटएण व तओ भिन्नो सीएण जाव से हत्थो । ता सहस त्ति विबुद्धा विबुद्धवरसररुहमुही सा ।।२५।। तत्तो तविहअइदुसह - सीयसीयंतहत्थकमलाए । संभरिओ तीइ तया सलिलाकूलट्ठिओ साहू ।।२६।। तयणु नरनाहहियए अप्पाणं पिव करं निवेसंती । एयारिसंमि सीए सो कह होहि त्ति जंपन्ती ।।२७ ।। आवरिऊण पडेणं अप्पाणं नरवरं च अइनिहुयं । सुत्ता एसा सुलहा निद्दा हि अखुद्दचित्ताणं ।।२८॥ करकिसलयफासाओ उत्तमपयइत्तणेण राया वि । झत्ति विबुद्धो निसुणइ वयणं तं तीइ तक्कालं ।।२९।। सोऊण य परिकुविओ चिंतइ धी बंधई धुवं एसा । कयसंकेयं कं पि हु सुमरंती इय पयंपेइ ।।३०।। इय कोवमिसमिसंतो जग्गंतो सो गमेइ निसि सेसं । पियपिययमाण अहवा ईसालुत्तं पयइसिद्धं ।।३१।। उदिए य दिवसनाहे अवरोहे चिल्लणं विसजेउं । पभणइ अभयं रे रे जाओ सुद्धंतविद्धंसो ।।३२।। ता बंधिउं दुवारे पजालसु सव्वओमुहं जलणं । मा माइनेहमोहिय - हियओ लंधिज्ज मह आणं ।।३३।। इय आइसिउं अभयं आरुहिउं पवणवेगमह तुरगं । चलिओ सपरीवारो राया जिणरायपयमूले ।।३४।। अभओ वि सभयहियओ चिंतइ हद्धी किमेयमावडियं । तह जणणीउ सईणं ललामभूयाउ सव्वाउ ।।३५ ।। मइ रक्खगेय को वा जीवियकामो मणे विचिंतिज्जा । फणिरायफणमणीण व एयाण विलोवममरो वि ।।३६।। संभावियं च एयं असंभवंतं पि तायपाएहिं । कुवियप्पाउ कुओ वि हु पिसुणाउ व छलपविट्ठाउ ।।३७।। एगत्तो जणणिजणो अन्नत्तो जणयसासणममोहं । मह चेव अउन्नेहिं मने एयं समावडियं ।।३।। तायस्स पढमकोवो गिरिसरिपूरु ब्व ताव दुव्वारो । सिद्धाएसो य इमो मणसा वि न लंघिउं सक्को ।।३९।। लोगदुगे वि विरुद्धं कज्जं एयं च आयरिज्जंतं । तो को इत्थ उवाओ हं नायं एयमिह उचियं ।।४०।। वित्तं उप्पाइस्सं सच्चं व मणमि ताव तायस्स । असुहस्स कालहरणं करिस्समेयस्स इय इन्हेिं ।।४१।। पत्थावे य पसंते कोवे तायं नियं पसाइस्सं । गुरुवयणं पि हु गझं उत्तं ति न किं तु जं जुत्तं ।।४।। इय निच्छिऊण हियए अवरोहसमीवगासु जिन्नासु । मोयावइ सो दहणं नरहत्था हत्थिसालासुं ।।४३।। उग्धोसंतो य सयं पलित्तमंतेउरं ति सव्वत्थ । जिणरायपायमूले चलिओ सेणियसुओ तयणु ।।४४।। इत्तो य समोसरणे धम्मकहाअंतरं मुणेऊणं । विन्नत्तो सब्वन्नू पत्थावे पत्थिवेणेवं ।।४५।। भयवं ! किमेगपत्ती अणेगपत्ती च चिल्लणादेवी । पसिऊण कहसु साहइ अह संसयतमरवी वीरो ।।४६।। चेडगनरिंदधूया सीलालंकारधारिणी एसा । मणसा वि हु कुवियप्पं न इत्थ पत्थिव ! अओ कुणसु ।।४७।। तं सोउं संतत्तो पच्छायावानलेण सो तत्तो । नमिऊण जिणं चलिओ तुरियपयं पुरवराभिमुहं ।।४८।। गच्छंतस्स य मिलिओ अभओ सवडंमुहो तओ तस्स । पुट्ठो य किं पलित्तं तुमए अंतेउरं नो वा ।।४९।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |