Page Text
________________
हितोपदेशः । गाथा - २११
भावधर्मविषये कनकवतीकथानकम् ।।
तो पुव्वदिट्ठरूवाणुसारओ तहय निरुवमत्तणओ । एस यि कणगवई ति निच्छिउं जा पुरो ठाइ ।। ७७ ।। ता दिट्ठो सो तीए तिहुयणसोहग्गसारघडिउ व्व । अह चिंतइ पडरूवं सचेयणं किं इमं जायं । ।७८।। तो खयरसंकेयं पुव्वकयं सुमरिऊण संतुट्ठा । अब्भुट्ठिउं ससंभममिय तं विन्नविउमारद्वा ।। ७९ ।।
अज्ज दिणं मे सुदिणं अज्जं चिय लोयणा य मे सहला । अवयारो वि कयत्थो अज्ज तए सुभग ! दिट्ठम्मि ।।८० ।। अह जंपर वसुदेवो एयारिससंभमस्स न हु जोग्गो । परपेसो एस जणो ता पेसत्तं कुणसु सहलं । । ८१ ।। रूवविणिज्जियमयणो समग्गनिहिनिवहसामिओ धणओ ।
पत्थइ परिणयत्थं ससिमुहि ! तं मज्झ वयणेण । ८२ ।।
ताजं अगोयरं इह मणसो वि हु मणुयजाइजायाणं । अकिलेसेणोवणयं पसयच्छि ! पडिच्छसु तमेयं ।।८३।। तवजवपूयाईहिं कहं पि मणुयाण जे पसीयंति । ते वि हु तुह प्यसायं महंति तियसा अहो चुज्जं । । ८४ ।। अह ईसि विहसिऊणं हरियंदसुया त्रियक्खणा भणइ । पिच्छह केलिकिलत्तं सुरुत्तमाणं पि मणुएसुं ।। ८५ ।। जड़ कहवि कोउगेणं एवं पि हु तेण मह समाइट्ठे । ता कीस दूयभावो सुभग तए अणुचिओ विहिओ ।। ८६ ।। जो खेयरेण सिट्ठो दिट्ठो य पडम्मि एगचित्ताए । सुमिणेसु य अणुभूयो सु झिय तं नाह ! न हु अन्नो ।।८७। तात्तायं वयणं पि न जंपियव्वमित्ताहे । लज्जाकरं खु एयं उत्तमपुरिसाण तुम्हाणं ।।८८ ।। एयं च मह गिराए विन्नवियव्वो तए कुबेरो वि । कह नाह ! सव्वह चिय अणुचियमिणमो समाइटुं ।।८९।। सिं पडिमाओ वि हु छुयंति असुईभएण न हु मणुया । तेसि सुराणं किमवरमुचियं पूओवयाराओ ।। ९० ।। ता तं पडिमारूवं पूइस्समहं महंतपूयाए । होऊण पसन्त्रेणं दायव्वो मह वरो उचिओ ।।११।। तुम विनाह ! करुणा कायव्वा इह जणम्मि साहीणे । अज्ज ! सयंवरमंडवमलंकरं तेण सयराहं ।। ९२ ।। इय तीइ विड्ढा विसज्जिओ जायवो गओ तत्थ । निच्छम्मदूयधम्मं मणुस्सधम्मा वि तं मुणिउं ।। ९३ ।। पचक्खं सव्वेसिं सुराण सुइरं पसंसए एयं । सव्वंगीणाहरणं निययं दिव्वं च से देइ ।। ९४ ।। अह सह वसुदेवेणं आरूढो पुप्फए विमाणंमि । कणगवईइ सयंवरमंडवमुत्तरवई पत्तो ।। ९५ ।। उब्भियसुवन्नथंभं विचित्तवररयणतोरणसणाहं । देवंगकउल्लोयं मुत्ताहलविरइओऊलं । । ९६ ।। दिसि दिसि उज्झतागुरुपरिमलवासियनहंगणाभोगं । कणयमणिमंचसंचय-कयदिव्वविमाणमणसंकं ।। ९७ ।। विशेषकम् ।।
२७३
तत्तो हरियंदेणं निवेण हद्वेण संचिए मंचे । उवविट्ठो गयणगए मणिमयसीहासणे धणओ । । ९८ ।। तस्य पुरो निविट्ठो कुमरो नलकूबरु व्व वसुदेवो । अन्त्रे वि सुरसमूहा जहारिहं उचियठाणेसु ।। ९९ ।। तत्तो कुबेरदत्ता नाणं नाममुद्दिया नियया । वसुदेवकरे तइया सिओयरेणं सयं ठविया । । १०० ।। अंगुलिया ती तुल्लो धणयस्स जाव सो जाओ । ताव पयंपड़ लोओ पुत्रमहो निवइकनाए । । १०१ । । एईइ दंसणामयपाणे एगेण जं सरीरेण । अपहुप्पंतो काउं देहदुगं आगओ घणओ । । १०२ । ।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |