Page Text
________________
हितोपदेशः । गाथा - २११ भावधर्मविषये कनकवतीकथानकम् ।।
भावेन मनः शुद्धिप्रकर्षेण भवः संसारः पराभूतः पुनरनावृत्त्या तिरस्कृतः । यतो भावशब्दान्मात्रया आकारलक्षणया भवशब्दो हीन इति । कनकवतीदृष्टान्तं कथानकेन स्पष्टयति ।। श्रीः ।। ।। भावधर्मविषये कनकवतीकथानकम् ।।
२७०
भर इहेव नयरं पेढालं अस्थि पोढरिद्धिल्लं । निऊणं निरूवियं जं नु दिव्वनयरं ति पडिहाइ ||१|| म मणिकुट्टिमे संन्ता जामिणीसु उडुनिवहा । छिष्पंति दंतताडंकसंकिरीहिं कुमारीहिं ॥ २ ॥ सिरिनमिजिणिंद ओसरण-लच्छिविच्छड्डुसंगमदिणाओ ।
च्छिरमणं ति गिज्जइ अज्ज वि परिसरवणं जस्स ||३||
वरवम्मधारिणो वि हु मग्गणगणसंगया वि अणवरयं । तहवि परलोयभीया अव्वो जव्वासिणो लोया ||४ || निवनीइलयाकंदो उब्भडभडवायचायसच्छंदो । जणमणकुमुयाणंदो राया तत्थासि हरियंदो ॥५॥ रणपव्वेसु अउव्वु व्व असिविडप्पो पसप्पिरो जस्स । सुबहूण सूररायाण कवलणं कुणइ जुगवं पि ।।६।। आयड्डाओ दंडाहिवेहिं दूराउ दूयपडिमेहिं । सुभगं व कामिणीओ लच्छीओ जमभिसप्पति ।।७।। रइरमणस्सेव रई पुरूरवस्सेव उव्वसी आसि । लच्छि व्व लच्छिवइणो लच्छिवई नाम से देवी ।। ८ ।। पियवयणविणयलज्वा-सइत्तदक्खत्तमाइसुगुणेहिं । संदाणियं व पइणो मणं न जत्तो अवक्कमेव (इ) ।।९।। निव्वासियारिवारो अमचविणिहित्तरज्जपब्भारो । सह तीइ तियसनाहु व्व विलसए एस सच्छंदं ।। १० । इय वनंते काले बालेयरचंदसुंदरमुहिं सा । सिरिलच्छिवई देवी पसवइ वरकन्नगं एगं ।। ११ । । तीसे य जम्मसमए विणिम्मिया पुव्वजम्मसरणेणं । वेसमणेणं तुट्ठेण कणयवुट्ठी अरिट्ठघरे ।।१२।। तो बारसम्मि दिवसे निवेण नियसयणबंधुसहिएण । कणगवइ ति विइन्नं नामं से तयणुसारेण ।।१३।। परिवड्डइ सा बाला वलक्खपक्खम्मि चंदलेहव्व । जणमणनयणाणन्दं दिंती कंताइ मुत्तीए । । १४ ।। खलियललियाइं पयविब्भमाई तह जल्लमम्मणुल्लावे । सिक्खिज्जती धाईहिं सहइ सा दुद्धमुद्धमुही ।। १५ ।। इयसिहंडा सीसे सवणेसु लसंतरयणताडंका । मणिकंदुयाइएहिं विविहं सा कीलए बाला ।। १६ ।। उम्मीयिबुद्धिगुणा कलागुरूणं कमेण उवणीया । अट्ठारस वि लिवीओ गिन्हइ लीलाइ लहु एसा ।।१७।। मेहाविण ति पिउणा सकोउगेणं कमेण कारविया । वागरणछंदलंकार - कव्वनाडयकहब्भासं ।।१८।। तक्के अचुक्कवक्का छसु भासासुं कवित्तपत्तट्ठा | पन्हुत्तरछलियपहेलियासु कुसला कलासुं च ।। १९।। सुरगुरुमइ व्व अह भारइ व्व थीरूवपरिणया भुवणे । तन्नत्थि जन्न जाणइ पावायरणं विणा एसा ।।२०।। अवियङ्कं पि वियङ्कं पयइविरूवं पि जं सुरूवं व । कुणइ जणं तेणेसा विभूसिया जुव्वणेण तओ ।। २१ ।। वेण निरुवमयि पुरा वि सा जुव्वणेण पुण तइया । सरएण चंदमुत्ति व्व लंभिया लवणिमुल्लासं ।। २२ ।। किं तनयण मणो सहस्सनयणं पि नणु वसे कुणउ । जस्स करे कणगवई अमोहभल्ली परिप्फुरइ ।। २३ ।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |