Hitopadesh

SR No.: 002567
Original Sutra Author: N/A
Author: Prabhanandsuri, Parmanandsuri, Kirtiyashsuri
Publisher: Sanmarg Prakashan
Publication Year: 2009
Total Pages: 534
Language: Sanskrit
Classification: Book_Devnagari & Literature
File Size: 11 MB

Page 280

हितोपदेशः । गाथा-१९९ - तपधर्मविषये बलदेवकथानकम् ।।
२३५
तो रूव-जुब्बणाणं अणिञ्चयं साहिऊण बोहेइ । तं रामं राममुणी गिन्हइ य अभिग्गहं एयं ।।१०।। अजप्पभिई वसिमे पविसिस्सं नेव पारणत्थं पि । सत्थाहकट्ठहारयपसंगओ होउ मह वित्ती ।।६१।। इय कयविणिच्छओ सो तत्थेव य सेलकाणणंमि ठिओ । तप्पइ दिप्पंततणू अदीणहियओ तवं तिव्वं ।।२।। तणकट्ठहारएहिं उवणीयं फासुएसणीयमसणं । गिन्हइ कयाइ एसो निरविक्खो नियसरीरे वि ।।६३।। कट्ठाइहारिणो ते गंतुं नियनियपहूण साहिति । दिव्वसरूवो पुरिसो कोवि वणे तवइ तिव्वतवं ।।६४।। किं अम्ह रजलुद्धो तवइ तवं अहव साहए मंतं । को वि इमो इइ भीया तुच्छमणा ते वि चिंतेउं ।।६५।। मुणिणो हणणनिमित्तं सब्वे वि हु सबलवाहणा मिलिउं । तत्थागया वियारो को वा अनाणनडियाणं ।।६६।। सिद्धत्थसुरेण विउविएहिं सीहेहिं लक्खसंखेहिं । उत्तासिया तओ ते भीया मुणिसरणमल्लीणा ।।६७।। पणमित्तु भावसारं पुणो पुणो खामिऊण मुणिसीहं । नरसीहु त्ति य नाम दाउं से ते गया सपुरं ।।६८।। सवणसुहयाइ संसयहराइ तस्सोवएसवाणीए । हरिहरिणदीविसद्दूलपभिइणो जायसंबोहा ।।६९।। केई सुसावगत्तं पत्ता जाया य भद्दगा केवि । अवरे समयाइ ठिया पडिवना अणसणं अने ।।७०।। उज्झियपिसियाहारा विमुक्वेरा परुप्परं सब्वे । ते बलमुणिणो अंते अंतेवासि व्व चिटुंति ।।७१।। मुणिपुवभवाणुचरो जाइसरो तत्थ हरिणगो एगो । सविसेसं संविग्गो एगग्गो सेवए साहुं ।।७२।। भमिऊण वणे तणकट्ठहारए नियइ भोयणसमए । दट्टण य तुट्ठमणो मुणिणो पासे समल्लियइ ।।७३।। सीसे निवेसिऊणं मुणिचलणे दंसए पएसं तं । मुंचइ मुणी वि झाणं तस्सणुकंपाइ कारुणिओ ।।७४।। गिन्हइ गंतुं भिक्खं निरविक्खो वि हु नियंमि देहमि । तेसि अणुग्गहट्ठा अणुकंपट्ठा य हरिणस्स ।।७५।।
अह अत्रया पहाणं दारुदलं गिन्हिउं तहिं पत्ता । रहकारा पारद्धा य छिंदिउं सरलतरतरुणो ।।७६।। मुणिऊण आगए ते मिगो वि मुणिपुंगवस्स विनवइ । सो मासपारणत्थं कुरंगमग्गाणुगो एइ ।।७७।। दटुं रहकारपुरस्सरो वि सहस त्ति राममणिसीहं । विम्हियमणो विचिंतइ अहह महंतं खु अच्छरियं ।।७८।। निम्माणुसे वणे कह जंगमकप्पडुमु व्व एस मुणी । मह चेव पुनपन्भारपेरिओ निच्छियमुवेइ ।।७९।। अब्भुयभूयं रूवं इमस्स लावन्नमनजणदुलहं । लोउत्तरो य पसमो धन्नो हं अतिहिणा इमिणा ।।८।। इय चिंतंतो अब्भुट्ठिऊण पंचंगपुट्ठमहिवट्ठो । पणमिय पाणनाइं उवणामइ एसणिजाई ।।८१।।। बलदेवो वि हु भयवं चिंतइ सद्धापरो इमो कोइ । सग्गापवग्गहेउं दाणं मे दाउमहिलसइ ।।८२।। ता जइ न हु गिन्हिस्सं सद्धाभंगो इमस्स ता होही । विग्यो य सुग्गईए इय बुद्धीए पडिच्छेइ ।।८३।। हरिणो वि हु उड्डाहो अमंदआणंदसंदिरच्छिजुओ । वछिंदयं मुणिं पि हु पिक्खंतो चिंतई एवं ।।८४।। देहे वि निरीहेणं तिब्बतवोरासिणा महामुणिणा । पिच्छह कह रहयारो वि पिंडग्गहणेण]णुग्गहिओ ।।८५।।
4. रामं - रामा स्त्री. द्वि. ए० । Jain Education International 2010_02