Page Text
________________
हितोपदेशः । गाथा-१९८, १९९ - तपधर्मविषये बलदेवकथानकम् ।।
२३३
चउहिं महासुमिणेहिं तणओ संसूइओ य बलदेवो । वसुदेवभूमिवइणो रोहिणिदेवीई संजाओ ।।९।। देवइरन्नो धूया वरिया कंसेण देवई इत्तो । वसुदेवस्स निमित्तं पारद्धो तीइ वीवाहो ।।१०।। [इत्तो] अइमुत्तमुणी विहरतो तत्थ कंसलहुभाया । संपत्तो सब्वविऊ जीवजसाए य दियरु त्ति ।।११।। मयभिंभलाइ आलिंगिओ य सो तीइ एहि एहि त्ति । सत्ता य तेण एसा तिव्वतवेणं महामुणिणा ।।१२।। नशसि जीइ विवाहे एवं मयपरवसा तुमं पावे ! तीए सत्तमगब्भो तुह पियपियराण खयकालो ।।१३।। संकियहियओ कंसो वयणछले पाडिऊण वसुदेवं । मग्गेइ सत्तगब्भे पढमि चिय देवईई तओ ।।१४।। जाएसु छसु सुएसुं कंसस्स य अप्पिएसु उप्पत्रो । देवइगब्भम्मि हरी सत्तमहासुमिणसञ्चविओ ।।१५।। काऊण विणिमयं कन्नगाइ नंदस्स तयणु वसुदेवो । नियगोउलंमि मुंचइ कन्हं बलदेवकयरक्खं ।।१६।। नेमित्तियवयणविसंकिरेण कंसेण तस्स मुणणत्थं । वावारिए निसुंभइ सिसू वि सो मेसविसतुरए ।।१७।। नवजुव्वणेण तेणं चाणूरं हणिय भाइवहगु त्ति । निहओ कंसो भइणी य परिणीया समभामा से ।।१८।। नेमित्तियवयणेणं सब्वे वि हु सबलवाहणा तत्तो । जायवभूवा पत्ता पच्छिमजलरासिकूलम्मि ।।१९।। हरिपुत्तपेरिएणं हरिणा धणयं तओ समाइसिउं । लवणाहिवदिनमहीइ कारिया बारवइनयरी ।।२०।। कालेण जरासंधो मुणिउं ते तत्थ विलसिरे कुद्धो । चउरंगचमूकलिओ चलिओ ता तेण सो उवरिं ।।२१।। सवडम्मुहा य भिडिया ते सुहडा तस्स अद्धचक्किस्स । दप्पुद्धराण दुन्ह वि बलाण जाओ महासमरो ।।२२।। अट्ठावीसाए नंदणेहिं मगहाहिवस्स बलदेवे । एगूणसत्तरीए रुढे तह वासुदेवम्मि ।।२३।। निम्महिउं हरिसिन्नं पडिहरिणा बलपहारिणा तत्तो । सामंतसयसहस्सं निययं जुगवं समाइटें ।।२४।। विदलिजंते जायवकुलम्मि अह तेहि परिभवं तस्स । असिहंतो तियसेहि वि अक्खलियपरकम्मो नेमी ।।२५।। धणुगुणटंकारेणं ससंखसद्देण मोहिउं सहसा । चावे कवए छत्ते छिंदइ करुणापरो तेसिं ।।२६।। अह रामकेसवेहि निहएसु सुएसु वड्डियामरिसो । जुज्झइ सव्वबलेणं पडिविन्हू विन्हुणा सद्धिं ।।२७।। निट्ठियसत्थो चक्कं मुंचइ मगहाहिवो तयणु कन्हे । करचडिएणं तेणेव तस्स सो छिदए सीसं ।।२८।। सुरनरवरखयरेहिं कयजयसद्देहिं तयणु उग्घुटुं । बलदेववासुदेवा उप्पन्ना इह इमे नवमा ।।२९।। लीलाइ चिय अह साहिऊण खंडाइं तिन्नि भरहस्स । विलसंति रजलच्छिं सच्छंदं लच्छिहररामा ।।३०।। इत्तो सिरिनेमिजिणो समुद्दविजयंगओ गहियदिक्खो । घाइक्खएण संपत्तकेवलो विहरए वसुहं ।।३१।। कइयाइ समोसरिओ उजाणे रेवयंमि सो भयवं । दटुं नियनयरिसिरिं पुट्ठो कन्हेण गयतन्हो ।।३२।। भयवं ! बारवईए एवंविहरिद्धिबंधुरतराए । होही कुओ विणासो मज्झ य तो भणइ सव्वत्रू ।।३३।।
गाथा-१९९ 1. भिंभल - (विह्वल) । 2. सवडम्मुह - (दे) वि. अभिमुख-संमुख इति भाषायाम् ।
- पा. स. म. पृ. ६५२ ।। - पा. स. म. पृ.८८२ ।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |