________________
द्वादशं हरिकेशीयमध्ययनम्
इहानन्तराध्ययने बहुश्रुतपूजोक्ता, तेनापि तपसि यत्नः कार्यः तत्समृद्धिवर्णनसम्बन्धेनायातस्यास्य द्वादशाध्ययनस्य प्रस्तावनार्थं हरिकेशचरितमत्रोच्यते । तथाहि
सुपार्श्व-पार्श्वयोः स्तूपमाहात्म्येन पवित्रिता । पुण्याढ्यपौरसम्पूर्णा समस्ति मथुरापुरी ॥१॥ यकां सिसेविषुरिव स्वकालुष्यापनुत्तये । कालिन्दी नामुचत् पार्वं तीर्थसेवा ह्यभीष्टकृत् ॥२॥ युग्मम् शङ्खोज्ज्वलयशास्तत्र शङ्खनामा नृपोऽजनि । त्रिवर्गसारजैनेन्द्रधर्मानुष्ठानतत्परः ॥३॥ तत्रान्यदा चतुर्जानिश्रीगुणन्धरसूरयः ।
सतन्त्रस्य नृपस्याग्रे प्रचक्रुर्देशनामिति ॥४॥ "शृङ्गारादिरसैराढ्ये राग-द्वेषोरुतुम्बके । गाढगर्दभिलाकारचतुर्गतिविराजिते ॥५॥ कषायप्रबलाश्रान्तबलीवर्दसमायुते । सारथीभूतमिथ्यात्व-प्रमादायामयोत्रके ॥६॥ आयुःपरम्पराबद्धघटीचक्रसमाकुले । मोहसीरपतिप्रछहास्यादिबहुकर्षके ॥७॥ विचित्रजन्मसन्तानगुरुकेदारशोभिते । सदोप्तकर्मबीजौघे मृत्युपानान्तिकाश्रिते ॥८॥ भीमे भवारघट्टेऽस्मिन्नजत्रं कालकुल्यया । इतश्चेतश्च नोद्यन्ते जलवज्जन्तवो ह्यमी ॥९॥
Jain Education International 2010_02
For Private & Personal Use Only
www.jainelibrary.org
