________________
३१५
नवमं नमिप्रव्रज्याख्यमध्ययनम्
क्षमः क्षमी प्रभुायी विद्यानिधिरनुद्धतः । सुभगः शीलवानासीत् सैष पद्मरथाधिकः ॥१०९।। तत्सौराज्यवशात् तस्य देशेऽजायन्त लेशतः । क्वचित् कदापि नैवेति-रोर-मारि-द्विषां भियः ॥११०॥ अहन् मणिरथो यच्च युगबाहुं तदंहसा । तुर्यं कृष्णाहिदष्टोऽसौ श्वभ्रमाप तदा निशि ॥१११।। हत्वा बन्धुं स्मरेणान्धः स्वयमप्यमृताधमः । पूर्वमासन्नपातानां पापेषु रमते हि धीः ॥११२॥ राज्येऽभ्यषिच्यत तदा योग्यश्चन्द्रयशाः पुनः । प्रचण्डशासनः सोऽभूद् दुस्साध्यानपि साधयन् ॥११३।। एकदा मन्त्रि-सामन्त-वीरोपेतः स भूपतिः । वाहवाहार्हसद्वेषो वाह्यालीभुवमासदत् ॥११४॥ इतश्चौजस्विनः पृथ्वीशक्रस्य नमिभूभुजः । पट्टद्विपश्चतुर्दन्तो विश्वादान्तोऽर्जुनच्छविः ॥११५।। उद्दण्डशुण्डादण्डश्रीरुन्मूल्यालानमोजसा । मत्तो दिशैकया धावन् विगणय्योत्कटान् भटान् ॥११६।। क्षणेन चित्तवद् भूमिमुल्लघ्यावन्तिनीवृति । सुदर्शनपुरासन्नमागान्नागगणाग्रणीः ॥११७॥ अतिश्रान्तः क्षुधाक्रान्तो वशीकृत्य धिया भटैः । उपनिन्ये तदा सद्यः स चन्द्रयशसे गजः ॥११८।। राज्यश्रीजीवनं नागं विशामीशस्तमुत्सवैः । सुदर्शनपुरं प्रावीविशन्मोदवशंवदः ॥११९।। वासरैरथ सप्ताष्टैः श्रुत्वा तन्नमिभूपतिः । विससर्ज द्रुतं दूतं चतुरं चन्द्रकीर्तये ॥१२०॥ अथापमानिते दूते प्रत्यावृत्ते नमिर्नृपः । मदाध्मातश्चमूचक्राक्रान्तविश्वम्भरोऽचलत् ॥१२१।। पन्थानमतिलध्यासौ कैश्चिदेव प्रयाणकैः । सुदर्शनपुरोपान्ते सैन्यमावासयन्निजम् ॥१२२॥
Jain Education International 2010_02
For Private & Personal Use Only
www.jainelibrary.org
