________________
२६२
आतुरप्रत्याख्यानप्रकीर्णकम्
इण्हिं सो ञ्चिय धम्मो परिणमिओ मज्झ सुद्धभावेण । सब्भावो संजाओ कवडं चिय पुव्वपुन्नेहिं ।।१७।।
ता अन्नं पि हु भयवं ! कहेह तो मुणिवरेहिं सव्वं पि ।
बारसविहे वि सावयधम्मे सम्मं स सिक्खविओ ।।१८।। जाओ विसिट्ठसड्ढो गाढं जिणसासणम्मि अणुरत्तो । जिणपूयण-गुरुवंदण-सज्झाय-ज्झाणउज्जुत्तो ।।१९।। एवंविहसावयगुणसंपन्नो जाव ता सयं चेव । दिन्ना जिणदत्तेणं नियधूया बुद्धदासस्स ।।२०।। महईए विभूईए परिणीया तेण हिट्ठहियएण । तो उवभुंजइ एसो विसयसुहं तीए संजुत्तो ।।२१।। अह अन्नया कयाई भणिओ जामाउएण जिणदत्तो । मोक्कलसु नियं धूयं नेमि जहा निययगेहम्मि ।।२२।। तो जंपइ जिणदत्तो तत्थ गयाए इमाए तुह सयणा । दाहिस्संति कलंकं विप्पडिवत्तीए धम्मस्स ।।२३।। तो आह बुद्धदासो इमीए भिन्नं गिहं करिस्सामि । तो जिणदत्तेण सुया सम्माणेऊण पट्टविया ।।२४ ।। नीया य निययभवमम्मि तेण नवनेहनिब्भरमणेण । दिन्नं भिन्नं भवणं तीए तओ बुद्धदासेण ।।२५।।
तयणु सुभद्दाभवणे मुणिणो निञ्चं पि भत्त-पाणट्ठा ।
पविसंति वहंति पुणो पओसमियराणि तीए तओ ।।२६।। अक्खंति बुद्धदासस्स भाउजाया इयाणि मिलिऊण । तुह दइया दुस्सीला चिट्ठइ जम्हा जईहिं समं ।।२७।। निसुणित्तु तओ नियकन्नकडुयवयणाणि भणिउमाढत्तो । मा एरिसं पयंपह संभवइ न एयमेईए ।।२८ ।।
अवि नहयलाओ निवडइ रविरहरयणं कहं पि दिव्ववसा । तह वि सुभद्दा सीलस्स खंडणं कुणइ न कया वि ।।२९ ।। अवि उप्पज्जइ गयणंगणम्मि वियसंतकमलवणसंडं । तह वि सुभद्दा सीलस्स खंडणं कुणइ न कया वि ।।३०।। अवि कहवि जए जायइ पुत्तो बंझाए विहिनिओगेण । तह वि सुभद्दा सीलस्स खंडणं कुणइ न कया वि ।।३१।। अवि कह वि उवरि वञ्चइ वसुहा गयणं पि जाइ पायालं । तह वि सुभद्दा सीलस्स खंडणं कुणइ न कया वि ।।३२।। तत्तो विलक्खवयणाणि ताणि जायाणि विहियमोणाणि ।
अह अन्नया सुभद्दाभवणम्मि समागओ साहू ।।३३।। निप्पडिकम्मसरीरो दुक्करएकल्लपडिमपडिवन्नो । दिटुं तीए पविट्ठ तन्नयणे अणुयतणकणुयं ।।३४ ।।
_Jain Education International 2010_02
For Private & Personal Use Only
www.jainelibrary.org
