________________
२५४
आतुरप्रत्याख्यानप्रकीर्णकम
इय भाविंतो सोऽवि हु गारुडिएणं भुयंगमो निहओ ।
सव्वेऽवि दंसिया नर वइस्स लद्धं उचियदव्वं ।।२४।। एत्यंतरे नरवई वारेई नागदेवया कावि । होही नरवर ! पुत्तो विरमसु सप्पवहपावाओ ।।२५।। मरिउं च खमगभुयगो पुत्तत्ताए निवस्स उप्पन्नो । ठवियं च नागदत्तोत्ति तस्स नामं गुणनिहिस्स ।।२६।। वद्धइ य तत्थ एसो देहोवचएण उवसमेणं तु । पुव्वभवब्भासाओ य रूवसोहग्गकलिओऽवि ।।२७ ।। कामत्थेसु न रज्जइ बहु मन्नइ धम्ममेव पुरिसत्थं । साहूणं च सयासे गयस्स अह अन्नया तस्स ।।२८।। जायं जाईसरणं पियराई मोइऊण तो एसो । संविग्गो पव्वइओ विहिणा गरुयाए रिद्धीए ।।२९।। पालइ य निक्कलंकं सामन्नं केवलं च भुक्खालू । तो भुंजइ दो तिन्निऽवि वोर निरवज्जमाहारं ।।३०।। तम्मि य गच्छे खवगा विज्जति महातवस्सिणो चउरो । चउमासियतेमासियदोमासियमासभोई य ।।३१।। दटूण ते विचिंतइ खुड्डुओ सहलजीवियमिमेसिं । जे कम्मसेलकुलिसं करंति एवं तवोकम्मं ।।३२।। अहयं तु मंदभग्गो जो पइदियहंपिडणेगवाराओ । पढणसवणपलिमंथं भुंजामि असारमाहारं ।।३३। पत्ताएवि हु एरिस सामग्गीए सकम्ममलपडलं । तवहुयवहेण दहिउं कणयं व न जीव ! जइ सुद्धो ।।३४ ।।
ता कत्थ गओ सुज्झिहिसि हंत ? इय भावणाएँ सुद्धमणो ।
होइ इमेणवि मह ताव निज्जरा इय विचिंतेउं ।।३५ ।। वेयावच्चे खवगाण गिण्हए नियममेस गुरुमूले । कुव्वंतस्स य निच्चं तमन्नदियहम्मि आगंतुं ।।३६।। खवगे अइक्कमित्ता सव्वेवि हु देवयाए पणिवइओ । सो चेव खुडुओ तो नियत्तए जाव सा तत्तो ।।३७ ।। चउमासियखवगेणं धरिउं वत्थंचलम्मि कोवेण । भणिया पावे ! कडपूयणे तुमं किमिह पत्तासि ? ।।३८ ।।
वंदसि तिकालभोइं एवं जं लंघिउं महाखवगे । तो पभणइ देवता तं तवस्सि ! किं कुप्पसि अकज्जं ? ।।३९।। वंदामि भावखवगं न दव्वखवगंति सा य भावखमा ।
जाणह तुब्भे सयमेव अप्पणो जारिसी अस्थि ।।४० ।। दव्वखवगा उ लोए दारिद्दछुहाइपीडिया सुलहा । पत्ताइं दव्वखवगत्तणाई पुट्विं चऽणंताई ।।४१।।
जंपि तिकालं भुंजइ एसोत्ति भणेसि मच्छरो सोऽवि ।
उववासो ञ्चिय निच्चं एरिसयाणं जओ भणियं ।।४२।। निरवज्जाहाराणं साहूणं निच्चमेव उववासो । उत्तरगुणवड्डिकए तहवि हु उववासमिच्छंति ।।४३।।
Jain Education International 2010_02
For Private & Personal Use Only
www.jainelibrary.org