Page Text
________________
आतुरप्रत्याख्यानप्रकीर्णकम्
पयायामि, तते गं तुमं कणगरहस्स रहस्सिययं चेव अणुपुव्वेणं सारक्खमाणे संगोवेमाणे संवड्ढेहि, तणं से दाए उम्मुक्तबालभावे जाव जोव्वणगमणुप्पत्ते तव य मम य भिक्खाभायणे भविस्सति । तणं से तेयलिपुत्ते अमचे पउमावतीए एयमहं पडिसुणेति, २ त्ता पडिगए ।
१५६
तते णं पउमावती य देवी पोट्टिला य अमची सममेव गब्भं गेण्हंति, सममेव परिवहंति । तते णं सा पउमावती नवहं मासाणं जाव पियदंसणं सुरूवं दारगं पयाया । जं रयणिं च णं पउमावती दारयं पयाया तं रयणिं च णं पोट्टिला वि अमची नवण्हं विणिहायमावन्नं दारियं पयाया ।
तते णं सा पउमावती देवी अम्मधातिं सद्दानेति, २ ता एवं वदासी - गच्छह णं तुमे अम्मो ! तेयलिपुत्तं रहस्सिययं चेव सद्दावेहि । तते णं सा अम्मधाती तहत्ति पडिसुणेति, २ त्ता अंतेउरस्स अवद्दारेणं निग्गच्छति, २ त्ता जेणेव तेयलि [ पुत्त]स्स गिहे, जेणेव तेयलिपुत्ते तेणेव उवागच्छति, २ करयल जाव एवं वदासी - एवं खलु देवाणुप्पिया ! पउमावती देवी सहावेति । तते णं तेयलिपुत्ते अम्मधातीए अंतिए एमट्ठे सोचा णिसम्मा हट्ठतुट्ठे अम्मधातीए सद्धिं सातो गिहातो णिग्गच्छति, २ अंतेउरस्स अवद्दारेणं रहस्सिययं चेव अणुपविसति, २ त्ता जेणेव पउमावती तेणेव उवागच्छति, २ त्ता करयल [परिग्गहियं दसणहं सिरसावत्तं मत्थए अंजलि कट्टु ] एवं वदासी-संदिसंतु णं देवाणुप्पिया ! जं मए कायव्वं । तते णं पउमावती तेतलिपुत्तं एवं वदासी एवं खलु कणगरहे राया जाव वियंगेति, अहं च णं देवाणुप्पिया ! णवण्हं मासाणं दारगं पयाया, तं तुमं णं देवाणुप्पिया ! एतं दारगं गेण्हाहि जाव तव य मम य भिक्खाभायणे भविस्सति त्ति कट्टु तेयलिपुत्तस्स हत्थे दलयति । तते णं तेयलिपुत्ते पउमावतीते हत्थातो दारगं गेण्हति, २ त्ता उत्तरिज्जेणं पिहेति, २ त्ता अंतेउरस्स रहस्तिययं अवद्दारेणं निग्गच्छति, २ त्ता जेणेव सए गिहे, जेणेव पोट्टिला भारिया, तेणेव उवागच्छति, २ पोट्टिलं एवं वदासी एवं खलु देवाणुप्पिया ! कणगरहे राया रज्जे य जाव वियंगेति, अयं च णं दारए कणगरहस्स पुत्ते पउमावईए अत्तए, तं णं तुमं देवाणुप्पिया ! इमं दारगं कणगरहस्सरणो रहस्सिययं चेव अणुपुव्वेणं सारक्खाहि य संगोवेहि य संवड्ढेहि य । तते णं एस दारए उम्मुक्कवालभावे तव य मम य पउमावतीए य आहारे भविस्सति त्ति कट्टु पोट्टिला पा णिक्खिवति, २ त्ता पोट्टिलाए पासाओ तं विणिहायमावन्नियं दारियं गेण्हति २ त्ता उत्तरिज्जेणं पिहेति, २ त्ता अंतेउरस्स अवद्दारेणं अणुपविसति, २ त्ता जेणेव पउमावती देवी तेणेव उवागच्छति, २ त्ता पउमावतीए देवीए पासे ठावेति, २ जाव पडिनिग्गते । तते णं तीसे पउमावतीए अंगपडियारियाओ पउमावतिं देविं विणिहायमावन्नियं च दारियं पयायं पासंति, २ त्ता जेणेव कणगरहे राया तेणेव उवागच्छंति २ त्ता करयल [ परिग्गहियं दसणहं सिरसावत्तं मत्थए
Jain Education International 2010_02
For Private & Personal Use Only
www.jainelibrary.org
| SR No. | 002562 |
| Book Title | Agam 25 Prakirnak 02 Atur Pratyakhyan Sutra |
| Original Sutra Author | Veerbhadra Gani |
| Author | Kirtiyashsuri |
| Publisher | Sanmarg Prakashan |
| Publication Year | 2010 |
| Total Pages | 400 |
| Language | Prakrit, Sanskrit, Gujarati |
| Classification | Book_Devnagari, Agam, Canon, F000, & F020 |
| File Size | 11 MB |