________________
जयन्तीप्रकरणवृत्तिः । गाथा २।३ पणयजणकप्पवल्ली हासलवुल्लसियकोमुइपयासा। उचियत्तरूवमंजरी भमरीविब्भमरसोल्लासा ॥७२७।। जिणवयणकमलहंसी पसत्थपासत्थपंडियवयंसी । जा सुंदेरगुणिन्दाणी समग्गसोहग्गसव्वाणी ।।७२८॥ अह सो गइंदजीवो तीए धारिणीए कुच्छिम्मि । रयणंकुर इव रोहणगिरिधरणीए सुओ जाओ ।।७२९।। पासइ सा वासहरे सुत्ता रयणीए दिव्वसयणीए । एरावणं व हत्थि सुविणे अवइन्नमुयरम्मि ॥७३०॥ अणिमिसनयणुल्लासा रहंगसमसिहिणकुम्मचलणा य । तिविलितरंगासंगा आवत्तगहीरनाहीया ॥७३१।। घणपुलिणसमनियंबा लावन्नतरंगपुन्नसव्वंगा । गंग व्व थिरा बुद्धा सुमिणं अवधारए देवी ॥७३२।। तो विरइयनेवत्था अउच्छउच्छाहहरिसपडिहत्था । रयणमयपाउयाहिं गच्छइ सेणियनिवऽब्भासे ॥७३३॥ हरइ य निद्दामुच्छं संपइ निवसींह उट्ठसु तुमं ति । ता अमियसारिणीए सुमहुरमहुराए वाणीए ॥७३४।। तो संभन्तो राया कीस ? तुमं देवि इह समायया । भद्दासणमणुजाणिय पुच्छड् हरिसुल्लसियवयणो ॥७३५।। सावणसुहए सुमिणे कहिए देवीए नरवरिंदस्स । परमोययम्मि खित्तो जाओ पुलयंकुरप्पसरो ॥७३६।। तो निवचंदो जंपइ देवीहुत्तं भविस्सई वस्सं । तुह पुत्तो दिव्वगई अरितरुयरभंगकरिराओ ।।७३७।। तत्तो सुहासिएणं वयणेणं तेण धारिणी देवी । सउणगंट्टि बंधइ अणिमिसदिट्ठी समुल्लसिया ॥७३८।। तो रयणीए सेसं देवगुरूणं कहासुहारसिया । अइवाहिय पाभाईयकिच्चाई कुणइ सव्वाइं ॥७३९।।
15
20
25
Jain Education International 2010_02
For Private & Personal Use Only
www.jainelibrary.org
