________________
जयन्तीप्रकरणवृत्तिः । गाथा २ | ३
तत्थासि नमिरनरवरसिरमणिदिप्पंतचरणअरविंदो । सिरिसेणिओ नरिन्दो अणुवमसोहग्गगोविन्दो ||७१४॥ दक्खिन्नेणं मलओ निलओ गुणचंदणाण सव्वाण । जो रम्मरामचरिओ पुरिसुत्तमलक्खणावरि ॥७१५॥ कल्लाणमुत्तिधारी समुन्नओ मंदरु व्व मज्झत्थो । जो धरणीधरराओ नवरं कूडप्पसंगाओ ||७१६॥ सम्मत्तरयणदीवो जस्स मणे मंदिरम्मि अवर्णितो । मिच्छत्तमंधयारं करइ सुराणं चमुक्कारं ॥ ७१७॥ देवगुरुभत्तिमुत्तिहारो हिययम्मि जस्स गुणसारो । वरपउमरागमणिणो दिप्पइ धम्मापुराण ॥७१८॥ जिणसासणप्पभावणनंदणवणकुसुमविब्भमजसेहि । मेरुगिरिण व्व जेणं कयसोरभो दिसाभोओ ॥७१९ ॥ बुद्धी कमलिणीणं बोहणदिणनाहबिबपडिबिंबो । अभयकुमारामच्चो सिरोमणी जस्स मंतीणं ॥ ७२०|| मयणनिवरायहाणी पत्तीसिरिसेणियस्स मियवाणी । तस्स गुणरयणखाणी धम्मरुई धारिणी देवी ॥७२१॥ आसि अवरोहसारा जंगममणिसालभंजियागारा । सुललियपयप्पयारा निम्मलजसकित्तिवित्थारा ॥७२२॥ गुरुजणकयसक्कारा गंगाजलधवलसीललंकारा । जा उज्झियहंकारा उत्तमकुललद्धअवयारा ॥७२३|| जा दिट्ठिअमियधारा असईजणविहियदूरपरिहारा । कुलसमुचियसिंगारा कंचणलायन्नसंभारा ॥७२४॥ रूवजियकामदारा सिरीसनवसरसकुसुमसुकुमारा । परिचत्तमणवियारा जा वंछियसिद्धपरिवारा ॥ ७२५ ॥ मलयावणिसंकासा विणयप्पणयाण चंदणवणाण | कावेरीतीररसा करुणाकप्पूरपारीणं ॥७२६॥
Jain Education International 2010_02
For Private & Personal Use Only
६१
5
10
15
20
25
www.jainelibrary.org
