________________
६०
जयन्तीप्रकरणवृत्तिः । गाथा २३ जत्थुन्नयगोत्तभवा रसपुन्नाओ गहीरहिययाओ । अणुकूलगामिणीओ सरियाओ कामिणीओ व्व ॥७०१॥ मूलट्ठिइमचयंता समुन्नया तावहारिणो फलया। गामनगराइएसुं जम्मि य तरुणो य सुयणा य ॥७०२।। आबालवुड्डललिया कलिया सउणेहिं पत्तफलया य । सुमणोभिरामकरुणा आरामा सज्जणा जत्थ ॥७०३।। जत्थ य सरोवरेसुं सायरसरिसेसु सच्छभावेसु । अच्छरियं सहवासो कमलाणं पुंडरीयाणं ।।७०४॥ गामनगराइएसुं खित्तेसुं जत्थ हुंति लोयाणं । अइसयरूवसिरीओ धन्नाणं सुप्पइन्नाणं ॥७०५॥ रायगिहं नाम पुरं इंदपुरीसुंदरं तहिं आसि । सुरनिम्मियकञ्चणमयउन्नयपायारलंकारं ॥७०६।। गोउरमणिमयतोरणपसिमिरकिरणावलीहिं वियरंतं । इंतसिरीण व अग्घं दसद्धवन्नेहिं कुसुमेहिं ।।७०७॥ मोत्तियपवालमणिचक्कवालसंखाइएहिं संवलिया। सायरवेल व्व जहिं विउलाओ विवणिवीहीओ ॥७०८|| अवरावरदेसंतरनेगमववहारलद्धरयणेहिं । जलसेसो च्चिय जलही मन्निज्जइ जत्थ विबुहेहिं ॥७०९।। तरुणतरुणीण भसणमणिगणघणकंतिकवलियतमम्मि । जम्मि अभिसारियाओ दुहियाओ जइ परं हुंति ॥७१०॥ जिणमंदिरसिहरट्ठियकंचणकलसुच्छलंतकिरणेहिं । सिवग्गदिन्नकुंकुमघणच्छडाविब्भमो जत्थ ॥७११॥ जम्मि जिणमंदिरेसुं कालागुरुधूवधूमकुरुलीओ। कविरमणीचवलाणं कमलाणं संकलाउ व्व ॥७१२।। नयविक्कमेक्कमंडलपयावरओ तिमिरखण्डणे दक्खो । भुयदंडमण्डवेणं पयाण परितावपडिवक्खो ॥७१३।।
25
Jain Education International 2010_02
For Private & Personal Use Only
www.jainelibrary.org
