________________
10
जयन्तीप्रकरणवृत्तिः । गाथा २।३
तत्तो वासारत्ते सह जूहेणं तणाइयं सहसा । उम्मूलिऊण सम्मं कुणइ महल्लं तयं तत्थ ॥६८८।। तो खरपवणपणुल्लियवंसकुडंगीसमुट्टियदवेणं । भयभरियमणो धावइ जुहजुओ थंडिलाभिमुहं ॥६८९।। आरन्नियजीवाणं वणदवजालावलीहि भीयाणं । कोडीउ पिंडियाण तो पेच्छई थंडिले पढमे ॥६९०॥ करुणरसभरनिज्झरगिरिंदसंदेरमुव्वहंतेणं ।। तेण करिंदेण तओ गएण बीए वि थंडिल्ले ॥६९१॥ तरलतरलोयणाणं वेविरगत्ताणं वित्तसंत्ताणं । वुन्नवयणाण हरिणाइयाण लक्खाई दिट्ठाई ॥६९२॥ कारुन्नपुन्नहियओ तं पि य चइऊण थंडिल्ले तइए । सो पत्तो करिनाहो चिट्ठइ जुहेण सह सुहओ ॥६९३॥ अह कंडुविणोअत्थं जावेसो पायमक्खिवइ हत्थी। तावऽन्नसत्ततासियससओ हेट्ठा समल्लीणो ॥६९४।। उक्खित्तचरणभारो दयावरो मुणिवरु व्व तं ससयं । सरणागयं व रक्खइ दृढसत्तो एसकरिराओ ॥६९५।। तम्मि सुमणोभिरामे करुणारामम्मि हत्थिरायम्मि । सिवसोक्खफला रोहइ घणपुन्नपरंपरावल्ली ॥६९६॥ कइवयदिणाण अंते तम्मि दुरंते दवम्मि उवसंते । अट्ठवियचलणो चलिओ स गओ धरणीगओ तत्तो ॥६९७॥ तन्हाछुहापरद्धो अकामनिज्जरणकम्मलहुभावो । आवज्जिय मणुआऊ कमेण पंचत्तमणुपत्तो ॥६९८॥ अह अत्थि जंबुद्दीवे भारहवासम्मि मज्झिमे खंडे । मगहाभिहाणदेसो गामागरमंडिउद्देसो ॥६९९।। अगओ असंखसद्दो सुदंसणुच्छिन्नविसमतमपसरो ।
वीरो जिणो अउव्वो विहरिओ पुणो पुणो जत्थ ॥७००॥ १. उद्विग्न । २. वैद्यः ।
15
20
25
Jain Education International 2010_02
For Private & Personal Use Only
www.jainelibrary.org
