________________
जयन्तीप्रकरणवृत्तिः । गाथा २।३ छज्जीवनिकायाणं तिविहं तिविहेण रक्खणं विहिणा । जमिह कुणंति मुणिंदा तमभयदाणं भणन्ति विऊ ॥६७५॥ दुहभरभरिया वि जीया जम्हा ईहति जीवियं सव्वे । तं जाणामो तेर्सि न वलहं जीविया अन्नं ॥६७६॥ मरणभयकंतमणो महानरिंदो वि जेण रज्जं पि । जीवियहेडं जच्छइ इट्ठयरं तेण तं चेव ॥६७७॥ जं चेव गाहगाणं इ8 तं चेव होइ दायव्वं ।
बुद्धिमया परा लोए सुहमक्खयमीहमाणाणं ॥६७८॥ किञ्च
"दीहाउओ सुरुवी निरोगी होइ अभयदाणेण । जम्मन्तरे वि जीवो सयलजणसलाहणिज्जो य" ॥६७९॥ दाणाणमभयदाणं निम्मलचूडामणि व्व सव्वेसि । जं तेण विणा ऊसरबीयाणि व्व ताणि अहलाणि ॥६८०॥ तिरिया वि दिति गुरुयत्तणेण करुणाए जे अभयदाणं ।
ते मेहकुमारो इव लहंति कल्लाणरिछोलि ॥६८१॥ gs वेयड्डगिरिसमीवे पुव्वभवे आसि सो किर गइंदो ।
विहरंतो सच्छंदो वणम्मि करिणीसयाणंदो ॥६८२॥ अह गिम्हदावपरितावभीयचित्तो जवेण धावंतो । सो अन्नया कयाई कद्दमिलं सरवरं पत्तो ॥६८३॥ तम्मि जलपाणन्हाणावगाहतन्हालुओ समाइन्नो । अवरेण तरुणकरिणा अरिणा चिक्कणकले निहओ ॥६८४|| विंझगिरिपायमूले गंगाकूले करीण अणुकूले । उप्पन्नो गयराओ करिणीजुहम्मि गयराओ ॥६८५।। अह अन्नया कयाई गिम्हे अवलोइऊण दवमुग्गं । संजायजाइसरणो सरणागयवच्छलो मइमं ॥६८६॥ चिंतइ अणागयं चिय अवचिय तिणवल्लिरुक्खसंभारं । सुहसरितीरे काहं थंडिल्लाणं तयं गरुयं ॥६८७॥
15
20
25
Jain Education International 2010_02
For Private & Personal Use Only
www.jainelibrary.org
