________________
५७
5
10
जयन्तीप्रकरणवृत्तिः । गाथा २।३
तो जइ देवाणुप्पिय ! तुम्ह न उठेइ एवमज्झयणं । किज्जउ तस्साणुन्ना अणुग्गहोऽणुट्ठियस्सावि ॥६६२।। इय गुरुवयणरसायणवसेण वियसंतवीरियायारो । सो अणगारो जंपइ भयवं को इत्थ कप्पो त्ति ? ॥६६३।। गुरुणा भणियं मुणिवर ! जाव न उढेइ एवमज्झयणं । तावंबिलतवचरणेणाराहिज्जइ पसंतेहिं ॥६६४॥ गुरुवयणनायकप्पो विगयविगप्पो विसुद्धसंकप्पो । फलदाणकप्परुक्खं कप्पं पडिवज्जए हिट्ठो ॥६६५॥ सरयससिकिरणनिम्मलसुयभत्ती तयणु तस्स पसरंती । उवसमियकलुसभावं जडासयं सच्छयं नेइ ॥६६६।। थेराण सुयधराणं पाए पणमामि गरिमधारीणं । जत्तो पसरइ सरसा सरस्सई गहिरनिग्घोसा ॥६६७।। जे सुत्तेणाणुगया कहमवि सुइ व्व घणरयच्छन्ना । ते पडिया वि खमाए लीलाए उद्धरिजंति ॥६६८।। धन्नाणं सुयलाभो सिरिसासणपालणेण सुकयत्थो । बहुसुयभावेण विणा न कुलुद्धारो मुणीणं पि ॥६६९।। उत्तमसुयलाभेणं पवयणरंगो हवेइ लोयाणं । अवि सुयभासियसवणे उक्करिसो होइ हिययम्मि ॥६७०॥ इय तस्स भावणाए दिणयरकरनियरतिव्वभावाए । निठुरतरं पि कम्मं तुहिणं व विलिज्जए निविडं ॥६७१॥ तत्तो दुवालसंगं गंगं अवगाहिऊण बहुभंगं । चउरंगेण बलेणं सुबुद्धिनावं समारूढो ॥६७२॥ निज्जिणिउं परलोयं मुणिराओ पालए खमाभारं । सुयदाणेणं एसो पसिद्धिपयवि परं पत्तो ॥६७३।। तो देयं सुयदाणं नाउं कप्पद्रुमं व बहुफलयं । संसारजलहितरणे सत्तं जं जाणवत्तं व ॥६७४।।
ज्ञानदाने असगडपियाकहाणयं सम्मत्तं ॥
15
20
25
Jain Education International 2010_02
For Private & Personal Use Only
www.jainelibrary.org
