________________
५६
10
जयन्तीप्रकरणवृत्तिः । गाथा २।३ हद्धी कह मह बुद्धी मणिदप्पणसच्छनिम्मला संती । विम्हरणकज्जलेणं सज्जो कलुसीकया.? अज्ज ॥६४९।। सुयनाणनयणअवलोइयाइं जीवाइतत्तरयणाई। झाइज्जताई फुडं केवललच्छि पयच्छति ॥६५०।। मह पुण सुयनाणनयणमिणं छाइज्जइ दुट्ठकम्मपडलेण । तो कह भवदोगच्चं सच्चं दूरीकरिस्सामि ? ॥६५१॥ अप्पपरोज्जोयकरं सुयनाणं दीवउ व्व दिप्पंतं । सग्गुणदसापवत्तं कहिं पि पत्ते हवइ पत्ते ॥६५२॥ तो तेण विणा संपइ मग्गामग्गावलोयरहियस्स । दुग्गइगत्तावाओ हाहा होही मह अवाओ ॥६५३।। अवगच्छइ मणमोहो दिट्ठी अत्थेसु पसरइ सम्मं । अप्पपरचेयणावि सुत्तविबुद्धाण जीवाणं ॥६५४॥ मह सवणगोयरगयं न अक्खरं ठाइ किं पि हिययम्मि । सम्मदसणहेऊ सुत्तविबोहो कहं होही ? ॥६५५॥ एवं विसन्नचित्तो अन्नाणपरिसहेण संतत्तो । गुरुपयकमलासेवणनिव्वुइकरणुज्जुओ तत्तो ॥६५६।। मन्नुभरद्दहनिस्संदबिंदुबाहुल्लनयणअरविंदो । असगडाए जणओ अणगारो एइ गुरुअंते ॥६५७॥ विन्नवइ वहइ भयवं ! केण वि कम्मेण अज्ज मह मेहा ।। ऐव्वारुगंधविहडियवक्ककणिक्काए समसीसि ।।६५८।। उवउत्तघोसणे रविकिरणकलावे वि कोसियस्सेव । मह जैव अंधयारं वियंभए चरणपरिहारं ॥६५९।। तत्तो गुरुणा वुत्तो नाणावरणीयकम्मउदएण । सहियव्वो धीरेणं अन्नाणपरिसहो एसो ॥६६०।। जम्हा पुव्वकडाणं कम्माणं वेयणेण निज्जरणं ।
अहवा उग्गतवेणं बज्झेण अन्तरेणं च ॥६६१।। १. अपगच्छति । २. कर्कटीगंधविघटितवल्ककणिकाया: । ३. एव ।
15
20
25
Jain Education International 2010_02
For Private & Personal Use Only
www.jainelibrary.org
