________________
जयन्तीप्रकरणवृत्तिः । गाथा २३
तो तेण वइयरेणं पुत्ती सा असगड त्ति विक्खाया । तीए जणओ एसो सिद्धो सगडापिया तत्तो ॥६३६॥ लहुकम्मयाए चिंतइ रागंधाणं जियाण सुकडाणं । सगडाणं च परिहाणी अमग्गगामित्तओ होइ ॥६३७॥ महपुत्तीए रूवे दीवे इव दिप्पमाणमुत्तीए । अवियाणियपरिणामा गोवपयंगा इमे पडिया ॥६३८।। विसया विस व्व विसमा विसमगई विसहर व्व पयडंति । किंवागफलसगोत्ता किंवागा जेण जीवाणं ॥६३९॥ विसएसु पयट्टाणं अमुग्गगामीण सालिखेत्तेसु । लुद्धाण परक्केसु होइ विवाओ सिरनिवाओ ॥६४०॥ एवं विसयविरत्तो अवगयतत्तो पसंतदिढचित्तो । पुत्तिं परिणावेउं वियरियावित्तो महासत्तो ॥६४१॥ गिन्हइ पंचमहव्वयभारं सुगुरुण पायमूलम्मि । दुविहं पि दिज्जमाणं सिक्खं सिक्खेइ संविग्गो ॥६४२॥ थेरपयसंथवेणं सज्जायपरेण तेण विणएण । अह उत्तरज्झयणाणं सुयक्खंधो पढिउमाढत्तो ॥६४३॥ जावऽज्झयणमसंखं उद्दिष्टुं ताव पुव्वभवबद्धं । कम्मं नाणावरणं तस्सुदयं गच्छइ सहसा ॥६४४॥ उवउत्ते वि पढंते तम्मि तओ ठाइ नऽक्खरं हियए । सलिलं व चालणीए चिक्कणकम्माणुभावेण ॥६४५॥ दुद्धं च कंजिएण तरलिज्जइ अक्खरं पढंतस्स । वाएण वऽब्भपडलं विहडइ कम्मेण तस्स सुयं ॥६४६।। दिणमणिमंडलनिम्मलपयाससरिसो वि बुद्धिपसरो से । सहस च्चिय छाइज्जइ गहकल्लोलेण कम्मेण ॥६४७॥ कम्मेण कामणेण व दुद्वेणुवओगजोगकरणे वि । सुयगहणधारणासुं सत्तिविवत्ती परं जाया ॥६४८॥
१. रसाः । २. विपाकः । ३. चलितं भवति ।
Jain Education International 2010_02
For Private & Personal Use Only
www.jainelibrary.org
