________________
५४
जयन्तीप्रकरणवृत्तिः । गाथा २।३ खणमित्ताओ उवरिं सूरी परिणामनिम्मलं भावं । काऊणं सुयदाणं जहाविहाणं पुणो देइ ॥६२३।। पवयणगणदिणिदो भवियणकमलाण बोहणाणंदो । सो सूरी सूरसमो सोमो सुयसायरुल्लासो ॥६२४॥ अप्पडिबद्धविहारो पयासियासेसतित्थवित्थारो। गणहरसिरिउरहारो सुइरं विहरइ सपरिवारो ॥६२५।। अह संलिहियसरीरो धीरो मेरु व्व जलहगंभीरो । एसो सुट्टियसूरी सग्गं पत्तो समाहीए" ॥६२६।। तो दिव्वं देवढि चिराय भुत्तूण देवलोगाओ । चविऊण उप्पन्नो घोसे आहीरकुलपुत्तो ॥६२७॥ देहकलोवचएणं पडिवयचंदो व्व वड्डए एसो । सोहग्गनिही विहिणा रिद्धिस्थिमिए कुले तम्मि ॥६२८॥ वियसंतरायचंपयकंतिकलावम्मि जुव्वणारंभे । रंभाभिरामरमणीपाणिं गिण्हइ स रिद्धीए ॥६२९।। पंचप्पयारविसओवयारसहयारकाणणारामे । रायसुओ इव पुन्नप्फलाई भुंजइ स लीलाए ॥६३०॥ अह तस्स सुया जाया विहिणा सव्वप्पयत्तनिम्माया । रूवाइगुणमणीणं रोहणगिरिरायधरणी व्व ॥६३१।। जुव्वणवणम्मि तीए पुन्नंकुरकिरणमंजरिसणाहे । सच्छंदं तरुणाणं चरंति हरिणाई नयणाइं ॥६३२।। अह घयविक्कयकज्जे नयरे एगम्मि सगडसत्थेणं । सो अन्नया य गच्छइ तं पुत्तिं सारहिं काउं ॥६३३।। तो तीए रूवेणं असरिसरूवेण दंसणे लुद्धा । अपहेणऽन्ने नियडे नियनियसयडाइं भंजंति ॥६३४।। भग्गाइं ताई तेसिं न इत्थ अच्छेरयं वयंति विऊ । सयमणोरहभंगो होइ जमुम्मग्गगामीणं ॥६३५॥
15
*25
१. निकटे । Jain Education International 2010_02
For Private & Personal Use Only
www.jainelibrary.org
