________________
10
जयन्तीप्रकरणवृत्तिः । गाथा २।३
जीवाइपयत्थाणं पयासणे दिणमणि व्व दिप्पंतो । भव्वमणेसुं फलिहुज्जलेसु जोई जणइ जो य ॥६११॥ जिणसासणम्मि गयणंगणम्मि तारयगणाण मज्झम्मि । सोमो पहाकरो वि य कलिओ कइयावि न तमेण ॥६१२।। वियसंतकासकुसुमुज्जलाए जस्सुल्लसंतकित्तीए । सरए व्व बहुसुययाए लोया वटुंति मग्गेसु ॥६१३॥ पन्हुत्तरवयणेहिं जस्स य गोखीरपूरसरिसेहिं । परिचयअंगा सिस्सा वच्छ व्व हवंति बहुवसहा ॥६१४॥ विज्जुज्जोयपयासियखमाविसेसो असेसधन्नाणं । उल्लासकारणं जो घेणागमो जीवलोगम्मि ॥६१५॥ एस अखंडियसीलो बहुस्सुओ एस एस सुपसन्नो । एसो य गुणनिहाणं जस्सेसा घोसणा भमइ ॥६१६॥ एगो य तस्स भाया लहुओ साहू सहोयरो अस्थि । सज्झायज्झाणवरमो दुहा वि अप्पस्सुओ संतो ॥६१७।। चउहाधम्मकहाए निच्चं सुत्तत्थपोरिसिविहाणे । अह सो खिन्नसरीरो धीरो वि हु चिंतए सूरी ॥६१८॥ सुहहेउ सुयमहीयं मए पुरा तं दुहावयं जायं । न लहेमि जमिह निच्चं अणुओगाईहिं विस्सामं ॥६१९।। पढियसुयाणं अहवा लोए वि हु कट्ठपंजरगयाणं । निच्चं वच्चइ कालो परतंताणं दियाणं पि ॥६२०॥ एसो खु मज्झ भाया जमप्पसत्तो पडो व्व गुरुभावं । अवहंतो लहु सुज्झइ संवरमित्तेण जयणाए ॥६२१॥ एवं सो निच्चयं काउं सुयदाणजणियखेएणं ।। बंधइ नाणावरणं दुनिज्जरं चिक्कणं कम्मं ॥६२२।।
20
१. ज्ञातागमाः पक्षे पुष्टशरीराः । २. बहुश्रुतः पक्षे वर्षागमः । ३. द्रव्यभावाभ्यामल्पश्रुतः । ४. पक्षिणां ।
For Private & Personal use only
_Jain Education International 2010_02
For Private & Personal Use Only
www.jainelibrary.org
