________________
५२
जयन्तीप्रकरणवृत्तिः । गाथा २।३ इय सिववयणसुहाए सित्तो सो माहणो असहणो वि । जाओ पसन्नचित्तो ईसाविसवेगपरिचत्तो ।।५९९।। विन्नवइ सिवं देवं देव ! मए जं तुमं समुद्दिसिउं । अविइयपरमत्थेणं जंपियमन्नाणदोसेण ॥६००॥ तं खमियव्वं इण्हि अन्नाणंधाण तुच्छहिययाण । अम्हारिसाण करुणाजोग्गाणं देवपणयाण ॥६०१॥ तो देवेण सिवेणं तस्स पुलिंदस्स अप्पणो य पुणो । दिव्वाए सत्तीए नयणं विहियं जहावत्थं ॥६०२।। एवं चिय सुयनाणं सुगइपहे नयणसुंदरं पत्तं । विहिणा वियरंताणं किमदेयं ? होइ धीराणं ॥६०३।। ते धन्ना कयपुन्ना सुकयत्था जे हरंति जीवाणं । सुयनाणरयणवियरणवसेण अन्नाणदोगच्चं ॥६०४॥ सिव एव जक्ख अक्खिदाणकहाणयं सम्मत्तं ॥
10
15
20
तथाहि
ss दिन्तो पुण सुयनाणं दंतो संतोऽवि जो परिस्संतो ।
चिंतइ किं पढिएणं ? एएणं अहव दिन्नेणं ॥६०५॥ नाणावरणं कम्मं दुष्परिणामं स बंधए कीवो । जीवो जं तवविणयज्झाणाईहिं दुनिज्जरणं ॥६०६॥ आगमसिद्धा सगडापिया जहा पुव्वकम्मकयकम्मं । बारसवरिसतवेणं नाणावरणं खवइ जम्हा ॥६०७॥ "गंगातरंगिणीए तीरे देसेसु संनिवेसेसु । सुट्ठियनामा सूरी विहरतो आसि गुणभूरी ॥६०८।। अवरावरगच्छागयपाडिच्छयछप्पएहिं पयकमलं । सेविज्जइ जस्सागममयरंदस्संदलुद्धेहिं ॥६०९।। जो धम्मदेसणाए भवियाण कुमुयाण चंदजुन्हाए । अवहरइ मोहनिदं जलासयाणं पि लीलाए ॥६१०॥
25
१. भ्रमरैः । Jain Education International 2010_02
For Private & Personal Use Only
www.jainelibrary.org
