________________
जयन्तीप्रकरणवृत्तिः । गाथा २।३
अवि एस मिच्छजाई काणच्छि पेच्छिऊण देवतणुं । चिंतइ हाहा कटुं नटुं देवस्स नयणमिणं ॥५८६।। का देवे मह भत्ती ? का अणुरत्ती ? य को व बहुमाणो ? । देवो जमेगनयणो हहा महं दोण्णि नयणाई ॥५८७|| बहुमाणसाणकोणुत्तेईयभल्लीए उक्खणेऊण । तो ठवइ देववयणे नियनयणं साहसुल्लसिओ ॥५८८॥ अह तस्स पुलिंदस्स वि पल्लविए साहसम्मि साहारे । कलयंठगिरा जंपइ तं बडुयं सो सिवो देवो ॥५८९।। माहणवर ! तं पेच्छसु इमस्स बहुमाणभत्तिमणुरायं । नयणप्पयाणपयडीकरंतं अंतरंगं पि ॥५९०।। बहुमाणकणयकसवट्टयम्मि नियनयणअप्पणेऽणेण । दिन्न च्चिय सुपरिक्खिय कल्लाणपरंपरा होइ ॥५९१।। मणियमयकुंडलजुयलो हारविरायंतवच्छत्थलो । विरइयवरनेवत्थो अच्छिविहीणो न सोहेइ ॥५९२।। जेण विइन्ना दिट्ठी मग्गामग्गाइ दीसइ जीए । तेण विइन्नं सव्वं सोहग्गमहग्घयं जीयं ॥५९३॥ तो एस पुलिंदो वि हु विसेसविन्नाणवियलचित्तो वि । जं दिढसत्तो रत्तो पसायजुग्गो सुराणं पि ॥५९४।।
निव्वडियकज्जसारं सब्भावं जाणिऊण मणुयाण । भणियं च
. सव्वायरेण देवा संभासं दिति सुपसन्ना ।।५९५॥ 'वाया सहस्समइया सिणेहनिज्झाइयं सयसहस्सं । सब्भावो सज्जणमाणुस्स कोडिं विसेसेइ" ॥५९६॥ [ ] तो तं माहण मा भण एस अजुग्गो सुरप्पसायस्स । तुमए वि दिट्ठीदाणा जं नाओ अयलसब्भावो ॥५९७|| धन्नाणं भावो च्चिय महग्घयं देइ जमिह वढ्तो ।
इइ लोए ववहारो तुमए किं बटुय ! न सुओ वि ? ॥५९८।। Jain Education Intem: Ca u teloma Hermet for private & Personal Use Only
15
20
25
www.jainelibrary.org
