________________
5
10
1171
15
20
25
४६
जयन्तीप्रकरणवृत्तिः । गाथा २/३
सिवपहतरुकुसुमाणं गुच्छसरिच्छेहिं धवलचमरेहिं । वीइज्जतो राया रेहइ इंदो व्व गच्छंतो ॥५२३|| संतहयं गज्जंतमेगलं घणघणंतरहलक्खं । दच्छभडाकोडिवियडं चउरंगदलं तओ चलियं ॥५२४॥ कयमंगलोवयारो विरइसिंगारदिव्वलंकारो । अहमहमियाइ नयरीजणो जिणं वंदिउं चलिओ ॥ ५२५ ॥ संपट्टियम्मि रीए सोहइ उच्छलियरेणुरिछोली । जिणभत्तिकेयईपुडवियासपसमिरपरागो व्व ॥ ५२६॥ माऊरछत्तसियआयवत्तलक्खाई हुति देखाइं । गणसरे नीलोप्पलकुमुयाण सिरीसमुव्वहणे ॥५२७॥ गयगज्जिय-हयहेसिय-रहंगरव-सुहडसिंहनाएण । भवजलहिमहणनिग्घोस एस किल नज्जइ बुहेहिं ॥ ५२८ ॥ जिणभत्तिकरणदच्छा विवेयससिकिरणहरिणनेवत्था । माणसजलं व सच्छा वच्छाहिवनरवइपिउच्छा ॥५२९॥ गच्छइ सा वि जयंती सद्धासंवेगसारपरिणामा । बहुरिद्धिवित्थरेणं महिडियनरनाहपणयपया ||५३०॥ पंचविहाभिगमेणं ओसरणे पविसिऊण जिणरायं । तिपयाहिणीं करिता वीरं वंदेइ भत्तीए ॥ ५३१|| अह बारसपरिसासुं जहट्ठाणट्ठियासु सावहाणासु । भयवं वीरजिणिदो धम्मकहं कहिउमाढत्तो ॥ ५३२॥ "भवमरुमंडलमज्झे तन्हासंतावतावियजणाण ।
संकप्पियफलदाई कप्पहुमविभो धम्मो ॥५३३॥ दसदिट्टंतदुर्लभं लद्धुं मणुयत्तणाइसामरिंग । उज्जमह मा विसीयह सिवपहरम्मम्मि धम्मम्मि ॥५३४ ॥ उग्गमसमीरंदोलिरकुसग्गजलबिंदुचंचलं जीयं ।
एए य कामभोगा रोद्दा जह फणिफणाभोगा ॥ ५३५ ॥ १. राज्ञि । २. पंक्ति: । ३. दक्षाणि । ४. गगनसरसि । ५. चलन् ।
For Private & Personal Use Only
Jain Education International 2010_02
www.jainelibrary.org
