________________
जयन्तीप्रकरणवृत्तिः । गाथा २ । ३
उद्दामकामकामिणिकडक्खलोला इमाउ रिद्धीओ । यथेमं पुण पेमं संजोगा तह य सवियोगा ॥ ५३६॥ अकयतवच्चरणाणं जीवाणं तिरियनारयगईसु । कम्मे हि दुचिन्नेहिं होइ चिरं दारुणविवागो || ५३७।।
अवि य
संजोगविओयानलविसायजालावलीहिं पज्जलिए । विच्छिन्ने भवरने को उ सकन्नो धेई कुणइ ॥५३८॥ सइ सिवपुरम्म द्वाणे अवियलहेउम्मि तस्स जिधम्मे । अत्तहिएसीण अओ जुत्तो जत्तो तहिं काउं ॥ ५३९॥ सो दाणसीलतवभावणाहिं सुद्धाहिं इह भवे धम्मो । सिवपासायारोहणसोवाणचक्करम्माहिं ॥५४० ॥ दाणं पुण तिविहाणं नाणं जीवाण देयमभयं च । अन्नाइ य जमुवग्गहकरं विवेगेण दायव्वं ॥ ५४१ ॥ विन्नायबंधमोक्खो मौक्खो वि य मोक्खकंखिरो हो । तो इत्थ नाणदाणं निव्वाणं कुणइ जीवाणं ॥ ५४२ ॥ नाणेण विइन्नेणं जीवो जाणित्तु पुन्नपावाई | तक्कारणेसु सम्मं कुणइ पवित्तिं निवित्तिं वा ॥५४३॥ पुन्नोवज्जणसज्जो जीवो पावेइ नरसुरसुहाई । पावनियत्तो मुच्चइ नारयतिरियत्तदुक्खेहिं ॥५४४॥
लहइ य जिणधम्मरओ विरओ पावाओ सुक्कझाणेणं । सासयसोक्खं मोक्खं सत्तो नाणप्पभावेणं ॥ ५४५ ॥
परलोए इहलोए जीवो सोक्खाई जेण नाणेणं । पावेइ तेण पढमं वन्निज्जइ नाणदाणमिमं ॥ ५४६ ॥ नाणं जेण विइन्नं दिणयरकरनियरसमसमुज्जोयं । तेण विइन्नं सिरिहरवियसियसंमत्तसयवत्तं ॥५४७॥
१. धृतिं । २. त्रिविधानं । ३. मूर्खोऽपि । ४. सम्यक्त्व ।
For Private & Personal Use Only
Jain Education International 2010_02
४७
5
10
15
20
25
www.jainelibrary.org
