________________
10
जयन्तीप्रकरणवृत्तिः । गाथा २।३
घोसिज्जइ अमारी दिजंति जहिच्छियाई दाणाई । सोहिज्जंति य कारा मुच्चंति य बद्धरुद्धाइं ॥५११॥ नयरीए पणवघोसो वीरजिणंदं वंदिउं जणो एउ । उम्माहियाए मोरुल्लवियसणाहो निव्वाइट्ठो ॥५१२॥ सिन्दूरपूरपूरियविसालकुंभत्थलं सहइ जस्स । रायपयावदिणेसरअरुणोदयगिरिसिहाभोगो ॥५१३॥ चलकन्नतालपेरंतकंतरुलकंततारियापडलं । रेहइ पवणपणुन्नं जस्स य उडुचक्कवालं व ॥५१४।। जस्स य पयंडसुंडाभोगे अइलोलया वि गरुयत्तं । न हरइ सद्दत्थविऊ मुणंति विबुहा वि एमेव ।।५१५।। ससिधवलदंतमुसला अरिकरिकण्णरासिखंडणे कुसला । जस्स जसकित्तिवल्लीवियाणकंदकुराकारा ॥५१६॥ जम्मि य कवोलभित्तिसु मैयरसरेहा सहति सिरिघरए । चक्खुदोसावहरणकज्जलपंचंगुलिसगुत्ता ॥५१७॥ गेरुयभूइविभत्तियकुलपव्वयउन्नयग्गकाएण।। नक्खत्तमालममलं वहइ य जो दित्तमणिजालं ॥५१८॥ जो सत्तंगपइट्ठियमुत्तिरज्जं व जंगमं दुग्गं । निद्धनहोघणगज्जियसज्जियसिहितंडवाडोवो ॥५१९॥ कयमज्जणसिंगारो उदयणराया वि तं गुणग्घवियं । जयकुंजरमारुहिउं वीरजिणं वंदिउं चलिओ" ॥५२०॥ जिणरायपायबहुमाणखीरजलरासिफेणमित्तेण । तावपडिकूलत्ताऽवचूलसिरधरियछत्तेण ॥५२१॥ जस्स विरायइ हारो तारो विप्फुरियकंतिवित्थारो । हिययस्थलम्मि वावियसुकयंकुरबीयरासि व्व ॥५२२॥
20
१. मयूरवचनसदृशः । २. टिकीशोभापटलं । ३. मदरसरेखाः । ४. समानाः । ५. तापप्रतिकूलमुक्तावचूलशिरोधृतछत्रेण ।
_Jain Education International 2010_02
For Private & Personal Use Only
www.jainelibrary.org
