________________
10
जयन्तीप्रकरणवृत्तिः । गाथा २।३ चंदावयरणउज्जाणयम्मि रइयं सुरेहिं ओसरणं । दुंदुहिनिनायकिंकिल्लिदेवकोडीहिं रमणीयं ॥४९८।। उज्जाणपालएण तुरियं गंतूण उदयणनरिंदो । वद्धाविओ जिणिदागमणेणं पायपणएणं ॥४९९।। अमिएण व सित्तेणं पुलइयगत्तेणं तुट्ठचित्तेणं । दाऊण तस्स दाणं चिंतियमेवं नरिन्देणं ।।५००॥ 'इह अज्ज सुपभायं तिहुअणमित्ते जिणम्मि अवइन्ने । कोसियपरमाणंदो चित्तं जमरिटुनिट्ठवणं ॥५०१॥ निम्मलकलाकलावे जिणराए आगए कुवलयस्स । उल्लासे वि वियारो इह न हु चुज्जं भमरयाणं ॥५०२।। वीरजिणिंदे कप्पडुमम्मि उज्जायणम्मि अवइन्ने । मूलगुणाण वि उदये चित्तं न जडाण वित्थारो ॥५०३॥ महरज्जं कयकज्जं लटुं टुं च मंडलगरिढें । वीरजिणो जत्थ सयं विहरइ कल्लाणमुत्तिधरो" ॥५०४॥ इइ चिंतिऊण उदयणराया सिंहासणाओ उठ्ठित्ता ।
सक्कत्थयं भणित्ता कारइ नयरीए उच्छाहं ॥५०५।। 'सिच्चंति रायमग्गा चंदणमिस्सेण कुंकुमरसेण । पूइज्जति भरेणं कुसुमेहिं दसद्धवन्नेहिं ॥५०६।। सहयारसरसपल्लवपरंपरादिव्वभंगरयणाउ । बझंति मंदिरेसुं वंदणमालाओ दारेसुं ।।५०७।। पूरिजंति चउक्का मोत्तियघणसाररइयरेहाहिं । तत्थ य चंदणचच्चियमंगलकलसा ठविजंति ॥५०८॥ चित्तमणिकिरणमिस्सियखीरनिहिलहरीसमूहतरलाओ । उभिज्जंति पडाया नच्चिरसिरिबाहुसुहयाओ ।।५०९।। कीरंति हट्टसोहा चीणंसुयछन्नदिनमणिमऊहा ।
लंबंतरयणमालासमूहपसरंतकिरणोहा ॥५१०।। १. अशोकवृक्ष । २. इन्द्राणां पक्षे घूकाणां । ३. चित्रं ।
15
25
___Jain Education International 2010_02
For Private & Personal Use Only
www.jainelibrary.org
