________________
10
जयन्तीप्रकरणवृत्तिः । गाथा २३ एत्थंतरम्मि देवी मिगावई पणमिऊण भत्तीए । संसारभउविग्गा संविग्गा विन्नवइ वीरं ॥३७१।। भयवं ! भवजलहिगया जीवा लखूण तुम्ह पयपोयं । निच्चं चारित्तधरा पारं पाविति सिद्धिपुरं ॥३७२॥ तो हं तुम्ह समीवे पडवज्जिस्सामि सामि ! पव्वज्जं । जा पुच्छामि जिणेसर ! चंडपज्जोयनरनाहं ॥३७३।। ता भयवया वि भणियं अहासुहं किंतु मा तुमं काही । पडिबंधं सामग्गी जमेरिसी दुल्लहा भद्दे ! ॥३७४॥ तत्तो गच्छइ एसा चंडपज्जोयरायपासम्मि । तस्सुच्छंगे अप्पइ उदयणकुमरं नियं पुत्तं ॥३७५॥ सीलं रक्खंतीए पैडिवन्नवयणओसरन्तीए । तो विन्नविओ तीए पज्जोओ विणयवित्तीए ॥३७६।। पडिवज्जे पवज्जं तुम्हेहिं विसज्जिया अहं अज्ज । विमुहा भवसोक्खाणं दुहावहाणं अणिच्चाणं ॥३७७।। किं वारेउं सक्को ? सक्काइसमक्खमेस लज्जाए । तमकामो वि विसज्जइ तओ निवो चंडपज्जोओ ॥३७८।। अंगारवईपमहा तब्भज्जाओ वि तीए सह अट्ट । गिण्हंति तओ दिक्खं संवेगरसेण संभिन्ना ॥३७९॥ अज्जा मिगावई सा चंदणबालाए सीसिणी तत्तो । विनयगुणरयणरोहणधरणिकरणि समुव्वहइ ॥३८०॥ विसयग्गामपरंमुहमई वि विहरेइ विसयगामेसु । सज्झायसुहानिब्भरपसमियनिस्सेससंतावा ॥३८१।। निप्पडिकुम्मा वि दिढं पडिक्कम्मुवओगकरणतल्लिच्छा । अंगोवंगवियारं पइक्खणं कुणइ अवियारं ॥३८२॥ अट्ठमयट्ठाणपव्वयचूरणवज्जासणीखमाधरणी।
कोहदवानलसमिणीजलधाराधोरणी समणी ॥३८३।। १. प्रतिपन्नवचनापसरन्त्या । २. देशग्रामेषु । ३. विचारं । ४. अविकारं ।
15
20
25
Jain Education International 2010_02
For Private & Personal Use Only
www.jainelibrary.org
