________________
३५
जयन्तीप्रकरणवृत्तिः । गाथा २३
सिवपासायारोहणनिस्सेणी जीए विमलगुणसेणी । सा देमवणम्मि एणी समुद्दगासुरनईवेणी ॥३८४॥ उत्तमकुलप्पसुया वरगुरुपायारविंदसलीणा । चारित्तधम्मरायप्पहाणगुणरायहाणि व्व ॥३८५॥ अह अन्नया कयाई मिगावई विहियउज्जयविहारा । विमलीकयवेयभारा वियन्नगुरुगच्छसिंगारा ॥३८६।। सा अहिगयसुत्तत्था गीयत्था नायसव्वपरमत्था । चंदणबालाणुगया समागया नयरिकोसंबिं ॥३८७|| तो देवनमियचलणो मोहमहारायमाणनिद्दलणो । दुरियदवदावजलणो पावतरूम्मूलणो वीरो ॥३८८।। विहरंतो नगराईसु गहीरसुरदुंदुहीनिनाएण। सिवपुरकवाडसंपुडविहडणनिग्घोससरिसेण ॥३८९।। कोसंबीनयरीए जंगमकप्पदुम व्व फलदाई । भयवं पि तम्मि समये समोसढो बाहिरुज्जाणे ॥३९०॥ कालेऽणते तीए जायं अच्छेरयं इमं तत्थ ।। सविमाणा रविचंदा समागया वंदिउं वीरं ॥३९१।। सोहिंसु सूरससिणो पयाहिणंतो तओ जिणिन्दस्स । तिजयपसरंतमुत्तप्पयावजसरासिसारिच्छा ॥३९२॥ वियसंति य मउलंति य कइरवकमलाई तम्मि समयम्मि । रटन्तअलिकुलाई अच्छरियमिणं वयंति व्व ॥३९३।। अच्छरियपिच्छिरीणं नच्चिरलच्छीण नेउरारावो । विहसिरमउलिरकुमुयंबुएसु भमराण झंकारो ॥३९४।। विहडंति संघडंति य हरिसविसाएहिं चक्कवायाई । जिणवयणाई वऽणेगंतवायसंवायरसिआई ॥३९५।। सरससीणं जोगो समसमयं कोसियाण आणंदं । वियरंतो खेयं पि यऽणेगंतपसिद्धिदिटुंतो ॥३९६।।
15
20
25
१. दम एव वनं तस्मिन् । २. व्रतभारा ।
Jain Education International 2010_02
For Private & Personal Use Only
www.jainelibrary.org
