________________
ma
तदुक्तं
जयन्तीप्रकरणवृत्तिः । गाथा २।३
विसयविसधारियाणं अणारियाणं जियाण जियलोए । वियरइ पच्छायावं गोयम ! एवंविहं पावं ॥३५८।। विसयामिसगिद्धीए जेसि न दिट्ठी जियाण विद्धत्था । संसारम्मि मसाणे पडियाणं ते च्चिय कयत्था ॥३५९।। वडवानलो जलंतो सागरलहरीहिं जह न विज्झाइ । न समइ कामो वि तहा उवभोगपरंपराहि पि ॥३६०॥ जेसि अप्पा सवसो न रसो भोगेस लहयकम्माणं । उवसमसुहाभिसित्ता सत्ता सुत्ता व ते धन्ना ॥३६१॥ जे देसबंभचेरं चरंति परदारवज्जिणो गिहिणो । देवकयपाडिहेरा नमणिज्जा हुंति ते वि जए ॥३६२॥ "कह ते न वंदणिज्जा ! रूवं दट्टण परकलत्ताणं । धाराहय व्व वसहा गच्छंति महिं पलोयन्ता" ॥३६३॥[ ] जाण परजुवइमणहरभमुहाधणुमुक्कलोयणसरेहिं ।। सीलकवयं न भिन्नं नमो नमो ताण पुरिसाण ॥३६४॥[ ] इत्थी वि पसंसणिज्जा तित्थं व्व पावित्तधारिणी लोए । परपुरिसपरीहारं हारं व धरेइ जा हियए ॥३६५॥ [ ] लोउत्तरे वि लोए सीयाइ महासईण सुच्चंति । सत्तावीसजोयणकिरणावलिविमलचरियाई" ॥३६६॥ [ ] इयऽणंगसेणचरियं वित्थरियं भयवया सुणेऊण । सत्ता भवनिव्विन्ना परमं संवेगमावन्ना ॥३६७|| परिचत्तगिहावासा हो चारित्तसिरिपियचिलासा लिंति जिणेसरदिक्खं सिक्खं सिवसंगमोल्लासा ॥३६८॥ अन्ने विरयाविरई विसुद्धसंमत्तदित्तमणिदीवा । मिच्छत्ततिमिरहरणा सिवपुरपहपत्थिया लिंति ॥३६९।। अवरे भद्दगभावा भवंति परभज्जवज्जणुज्जुत्ता । उवलद्धबोहिबीया उवरोवरि भाविकल्लाणा ॥३७०।।
15
Jain Education International 2010_02
For Private & Personal Use Only
www.jainelibrary.org
