________________
जयन्तीप्रकरणवृत्तिः । गाथा २।३ अह अन्नया गया सा गामे एगम्मि तत्थ ते चोरा । संपन्ना तो वुत्तं तयहुत्तं तीए रत्ताए ॥३४५।।।। अम्हारिसीहिं तुम्हं तरुणीहिं किं? न कज्जमत्थि त्ति । तो नाउं तब्भावं सा नीया तेहिं नियपल्लिं ।।३४६।। एसा अम्हुवभोगा एगा मा होउ कहमवि विसन्ना । इय चिन्तिऊण तेहिं आणीया अन्नया अन्ना ॥३४७॥ तो सा साहसियससा कसाइया दंसणम्मि महिलाए । तं खीवइ कूवमज्झे गएसु अन्नत्थचोरेसु ॥३४८।। पच्चागयतेणेहिं सा पुट्ठा कत्थ तुज्झ भगिणि त्ति । आरुठ्ठा तो जंपइ किमहं जाणामि तुम्हं पियं ? ॥३४९।। किं न सयं चिय रक्खह ? भज्जं सोहग्गरयणमंजुसं । मं आयरेण पुच्छह अणुरत्ता तीए वुत्तंतं ॥३५०।। इइ तीए वयणेहिं नयणेहि तहय अंगचेट्ठाहिं । अणुमाणेण नायं एयाए चेव सा निहया ॥३५१।। तो साहसिओ चिन्तेइ एसा अइविसयपरवसा कावि । किं होजा ? दिव्वजोगा मह भयणी मयणनिवनयरी ॥३५२॥ जइ सच्चं मह एसा, ससा असेसाण पावकम्माण । तो पावं अइगरुयं जायमगम्मं गमणेण ॥३५३॥ ता सुव्वइ सव्वन्नू कोसंबीए समासढो तत्थ । गंतूणं परमत्थे पुच्छामि अहं लहुं चेव ॥३५४॥ इय चिंतिऊण गोयम ! साहसिओ एस आगओ मणसा । लज्जाए पुच्छंतो वुत्तो वयणेण पुच्छ तुमं ॥३५५॥ तोऽणेण पुणो भणियं जा सा सा स त्ति किं ? भवे भयवं ! । अम्हेहिं वि तो कहियं सा स त्ति असंसयं चेव ॥३५६॥ गोयम ! कामपिसायग्घत्थाणं ता न होइ इह सोयं । सोयंति पुणो नाए अगम्मगमणाइए पावे ॥३५७।।
15
25
Jain Education International 2010_02
For Private & Personal Use Only
www.jainelibrary.org
