________________
10
जयन्तीप्रकरणवृत्तिः । गाथा २३
"भयवं पि तो पसाहइ, गोयम ! चंपाए धाउवायवऊ ।
आसी सुवन्नगारो, अणंगसेनु त्ति नामेण ॥३०६।। रूवेण कामदेवो चाई भोगी पियंवओ सुहओ । इच्छियदाणयाण, परिणेइ तरुणीण पंचसए ॥३०७।। रूवोवहसियदेवंगणाहिं कीलइ य ताहिं सच्छंदं । दोगुंदगो व्व देवो गयं पि कालं न याणेइ ॥३०८॥ जद्दियहं जीए समं निवसइ तद्दियहमेव सो देइ । वत्थाभरणविलेवणगंधाइयं न सेसाण ॥३०९।। ईसासल्लियहियओ क्खइ सयमेव सो तहा ताओ । करपसरदिन्नतावं जहा न पेच्छन्ति सूरं पि ॥३१०।। अह तस्स बालमित्ते समागए अन्नया विगयदोसे । सो जंपइ पेमपरो वियसियमणनयणमुहकमलो ॥३११॥ सव्वासाण पयासं मित्तो च्चिय इह करेइ जियलोए । सयलसुहाण निवासो सभयाणं तह सरहस्साणं ॥३१२॥ तो कहसु मित्त वच्छल सुरूवविहवेहि किमिह पुरिसाणं ?। सेसाणमहं ऊणो न वल्लहो जेण रमणीणं ॥३१३।। तेणुत्तं गुणरहियं रूवं किं ? आउलीए कुसुमं व । वसुपूरिओ वि न रवी सुहओ जं एस करचंडो ॥३१४॥ जो किन्तु महुरभासी सिणिद्धदिट्ठी पेच्छइ सहावं । नीयं चिय परिसक्कइ सययं अणुवत्तए छंदं ।।३१५।। दुव्वयणे वि न रूसइ तूसइ अब्भत्थियं च वियरेइ । कित्तइ गुणे परोक्खे कलासु पयडेइ नेउन्नं ॥३१६।। पढइ य थक्के थक्के सुहासियं जं सुहाइसंसित्तं । नीयगमित्तच्चाई उत्तमसंसग्गदुल्ललिओ ॥३१७।। इच्चाइविमलगुणरयणरोहणो मोहणो जयस्सावि । सुहओ पुरिसो किं पुण वियड्डरमणीण तरुणीण ? ॥३१८॥
15
20
25
_Jain Educati. १. अवसरे।
Jain Education International 2010_02
For Private & Personal Use Only
www.jainelibrary.org
