________________
5
100
15
20
25
३०
१. संकेत: । २. घातप्रदानात् । ३ तासां ।
Jain Education International 2010_02
इय सिक्खविडं नीओ निययघरं तेणऽणंगसेणो वि । पेमेण न्हाणभोयणविलेवणाईण कज्जेण ॥३१९॥ ता अवसरो त्ति काउं तम्महिलामज्जणाइ काऊण । कयसिंगारा दप्पणहत्था सच्छाउ चिट्ठति ॥३२०|| पत्तो अणंगसेणो हट्ठो तुट्ठो विसज्जिओ सुहिणा । आगच्छइ नियगेहे पेच्छइ भज्जा सनेवत्था || ३२१ || अह सिंगारो तासिं तं तावेई जह जलंतअंगारो । संगारो इव ईसा मच्छरकोवाण संमिलणे ॥ ३२२ ॥ दुभिउडिभासुरनिलाडवट्टेण तेण तो गहिउं । एक्का घायपयाणा तहा हया जह गया पाणा ॥ ३२३ ॥ प्फुरियकरसूरमंडलसरिच्छदप्पणसएहिं पडिहणिओ । मरणभयक्कंताहि कंताहिँ णंगसेणो वि || ३२४|| तो अणुतावो दावो दहइ इमाणं मणं वर्णतं व । पसरंति धूमसरिसा दीहा उन्हुन्हनीसासा ॥ ३२५ ॥ कज्जलरुइघणनयणाण ताण पवहंति वाहजलधारा । सुक्कंति कंतिजुव्वणजवासया ताहं सव्वे वि ॥३२६॥ का अम्हाणमियाणि गइ त्ति ? पइमारियाण लोयम्मि । इय चिन्तिऊण ताओ अगिंग साहिन्ति गिहमझे || ३२७|| मणुयाउयमावज्जिय पच्छायावेण साणुकोसेण । विजयस्स पल्लिवइणो चोरा जाया तओ ताओ || ३२८|| पढमा पत्ती गामे कुसत्थले सोमिलस्स विप्पस्स । साहसियनामअइकूरपुत्तभावेण संजाया ॥३२९॥ सो उण अणंगसेनो दुकम्मपरिणामपरिणओ भमिउं । कइवयभवंतरेसु उप्पन्नो तस्स लहुभगिणी ||३३०॥ सो तीए बालहारो तं पुण निद्दह मयणअंगारो । पुव्वभवकामगिद्धीचुल्लीए जलणसंभूओ ||३३१||
जयन्ती प्रकरणवृत्तिः । गाथा २/३
For Private & Personal Use Only
www.jainelibrary.org
