________________
जयन्तीप्रकरणवृत्तिः । गाथा २।३ दुहभयजणणी निव्वुइहणणी जीवाण इह सकिंचणया । इय साहूहिं पवन्ना उत्तमवन्नाऽसकिंचणया ॥२९३।। तीए अभयपुरीए नाऽऽयाणभयं हवेज्ज कइयावि ।
तत्तो धम्मज्झाणं पवत्तए मुणिवरिंदाणं ॥२९४।। अवि य
तीए निवसंताणं दिढसत्ताणं जियाण तुट्ठाणं । निज्जियसयलभुवणो न मोहराया वि पभवेइ ।।२९५।। बंभच्चेरं च थेरं सपाडिहरं सुरा वि पूयंति । संपत्तअत्तलाहो जओ तओ होइ जियलोओ ॥२९६।। अपि बंभवुड्डभावे महग्घसोहग्गजणियरंगाओ। अइसयसयलच्छीओ सयंवरा इंति साहूणं' ॥२९७।। इय दसविहधम्मकहासुहाए चारित्तमोहणीयविसं । अवसरइ तओ भव्वा दिकखं गिन्हंति संविग्गा ॥२९८।। एसो जईण धम्मो लहुकम्माणं जियाण अइसुहओ । उइए चरित्तमोहे गिहिधम्मो पुण कारेयव्वो ॥२९९।। सम्मतमूलमणुवयगुणवयसिक्खावएहि परियरिओ । बारसभेओ सिवसुहपरंपराकारणं एसो ॥३००॥ धम्मस्स कप्पतरुणो सम्मत्तं मूलबंधुरं धणियं । संकाइमलविमुक्कं सरसखमो गुणारूढं" ॥३०१॥ इय धम्मदेसणेण तिमिरमिव दिणयरेण अवणीए । मिच्छत्ते भव्वजणा सिवपुरमग्गं पवजंति ॥३०२।। एत्थंतरम्मि एगो, धणुबाणसणाहपाणिपउमजुओ । भिल्लो मणसा पुच्छइ पणओ उद्धावबद्धजडो ॥३०३|| ततो जिणेण भणिओ वायो भद्द पुच्छसु तुमं ति । तो तेण पुणो वुत्तं जा सा सा स त्ति किं ? नाह ! ॥३०४॥ सा स त्ति जिणेणुत्ते गोयमसामी वि पुच्छए पणओ । भयवं किमेस जंपइ ? पन्नत्तं किं व तुम्हेहिं ? ॥३०५॥
15
25
Jain Education International 2010_02
For Private & Personal Use Only
www.jainelibrary.org
