________________
२७
जयन्तीप्रकरणवृत्तिः । गाथा २।३
घणसंचियपावोदयसोसयपसरंतबहुपयावस्स । सच्चं मुणिहिं भणियं तवस्स जं जेट्ठसुइभावो ॥२८०॥ परमहिमभाववसओ तवसा डझंति कसिणकमलाई । जं तेण जडिमभावो नस्सइ तं पुण महच्छरियं ।।२८१।। गुरुपायसंपओगे तवम्मि सिरिपव्वयम्मि जायंति । लद्धीओ ओसहीओ जराइसमणीउ साहूणं ।।२८२।। सीलंगसहस्साणं समग्गसत्तीण प्फुरियतेयाणं । संनिहिए न हु दोसो मणमक्कडसंजमे विहिए ॥२८३।। आसवदाराणं संजमम्मि संवरसहावकलियम्मि । न हु होइ पावपंको मुणीण अच्छेरियं एअं ।।२८४॥ आसवनिसेधरूवे मुणीण जं संजमे कए होइ । अपमत्तया सया वि हु किमत्थ विबुहाणमच्छरियं? ॥२८५।। सच्चं चिय सलहिज्जइ लोए लोउत्तरे वि गुणगुरुयं । धम्मस्स कप्पतरुणो मूलं सच्चं चिय वयंति ॥२८६।। सच्चं सुरतरुमंजरिकरणि धारेइ दसदिसामोयं । दिव्वा माहप्पसिरी जं तत्थ समाइ भमरि व्व ॥२८७।।
सत्ताण हियं सच्चं तं चिय अमयं वयन्ति मुणिवसहा । ___इह तं आसायन्तो अमियप्पा होइ न हु चोज्जं ॥२८८॥ अपि च
"अलियं न भासियव्वं अत्थि हु सच्चं पि जं न वत्तव्वं । सच्चं पि होइ अलियं जं परपीडाकरं वयणं" ॥२८९॥ जलसोयं चिय अंगीकाउणं जे नरा पयर्टेति । ते संसारमहोयहिमवगाढा ठंति चिरकालं ॥२९०॥ पढमं च दयासोयं सच्चमतेन्नं च बंभचेरं च । निस्संगया य सोयं परमत्थवियारणेणेवं ।।२९१॥ एएणं सोएणं अइनिम्मलसंवरेण भावमलं । पक्खालिऊण सुद्धा लहंति सिद्धिं लहं जीवा ॥२९२।।
20
25
Jain Education International 2010_02
For Private & Personal Use Only
www.jainelibrary.org
