________________
तहाहि
10
जयन्तीप्रकरणवृत्तिः । गाथा २।३ एसा दुवालसंगी अंगीकाऊण सव्वचारित्तं । सहल च्चिय कायव्वा दसविहमुणिधम्मसेवाए ॥२६७।। "कोवदवसलिलधारा ईसाए बंदिणीए दिढकारा । उग्घाडियसिवदारा खमा इमा सव्वगुणसारा ॥२६८।। विमलगुणरयणगब्भं जेण खमं धारयति कुलगिरिणो । तेणं चिय अईगरुया समुन्नया सासया जाया ॥२६९।। सेसो वि खमाहारो ईसरहिययम्मि पत्तसिरिहारो । निच्चं अमियाहारो जाओ पुरिसोत्तमाहारो ॥२७०।। माणगिरिदलणवज्जं साहणं दिन्नसिवपुरीरज्जं । विणयगुणकरणसज्जं मद्दवमिह सिद्धनियकज्जं ॥२७॥ नवणीयमिव सिणेहं महग्घयं कुणइ मद्दवगुणेण । ताविज्जंतो वि दिढं पुरिसत्थपसाहयं जीवो ॥२७२॥ चंदस्स व अवि पुन्नं वित्तं पत्तस्स निम्मलकलस्स । जीवस्सेह कलंको हवइ मेओ जस्स हिययम्मि ॥२७३॥ लीलाए मुनिवरिन्दो अज्जा(अज्जव)वज्जेण दलियमाहप्पं । काउण कवडसेलं सिवपुरमग्गे सुहं जन्ति ।।२७४॥ मणवयणकायजोगा अज्जुणबाण व्व अज्जवुज्जुत्ता । धम्मगुणसंपउत्ता परलोयपसाहया हुंति ॥२७५॥ लोउत्तरियं चरियं परलोओ जमिह सिज्झइ जियाण । कुडिलत्तविरहिएणं विणएण साहुधम्मेण ॥२७६।। जलरुवा अवि जीवा भवण्णवे मुत्तिसुत्तिसंलीणा । अंतोबहिं व विमलीहवंति मुत्ता महप्पाणो ॥२७७॥ संसारम्मि मसाणे सा गिद्धी फुरइ मुत्तिरहियाण । सम्मदिट्ठी जीए गसिज्जए दिज्जाए दुक्खं ॥२७८।। अच्छरियमिणं लोए साहूणं धम्मकम्मनिरयाणं ।
जं मुत्तिउवायाणा होइ असुत्ताणउप्पत्ती ॥२७९॥ १. शेषनागो वि । २. मदः । ३. आर्जववज्रेण । ४. कपटशैलं। ५. मुक्तिशुक्ति । ६. निर्लोभतोपादानात् ।
20
25
Jain Education International 2010_02
For Private & Personal Use Only
www.jainelibrary.org
