________________
10
जयन्तीप्रकरणवृत्तिः । गाथा २॥३
घणगज्जियगहिराए विदूरमहिचारिणीए वाणीए । सच्चं चिय धम्मकहा रयणसलाय व्व विच्छुरिया ॥२५४।। "संसारम्मि अपारे पारावारे दुहोहजलभारे । दुल्लहं खलु मणुयत्तं वटुंताणं दुरुत्तारे ॥२५५॥ पत्ते वि य मणुयत्ते आरियखित्तं पि दुल्लहं जत्थ । धम्माधम्माईणं विवेयरयणस्स उप्पत्ति ॥२५६॥ तम्मि य उवलद्धे पुण सुकुलं न लहंति कम्मपरितंता । उक्खित्तं च किल भरं वहति धवल व्व सुकुलीणा ॥२५७॥ बहुपुन्नपावणिज्जा सुवन्नजाई वि तम्मि वि जियाण । भुवणब्भहियं जीए सोरब्भं बिंति मइमंता ॥२५८।। अवि तीए लद्धाए अरूवया अणरिहा गुणोहाणं । सिद्ध च्चिय जं लोए अरूवयत्तेण नमणिज्जा ॥२५९॥ अवि रूवम्मि अरोगो जीवो सुहभावकारणं होइ । बाहिज्जए सरोगो उक्कलियाहिं जहा परमो ॥२६०।। अरोगे च्चिय पुन्नं आउं कल्लाणकारणं दुल्हं । दिढदीहरजीवत्ता साहइ धणुहं पि परलोयं ॥२६१।। अवगयरयपडलाएं सत्तुल्लासाए जीए बुद्धीए । पडिबिंबंति वियारा सुहावया सावि अइदुल्लहा ॥२६२॥ आलस्सयाइपडिहाररुद्धमुणिरायपायदिट्ठीणं । धम्मसवणं पि न हवइ जियाण अवि बुद्धिमंताणं ॥२६३।। धम्मसवणे वि दुलहो अवग्गहो नाणावरणउदयम्मि । विम्हरणसंभवाओ य धारणासत्तिविरहाओ ॥२६४|| अवगहियम्मि व धम्मे सद्धा जीवाण दुल्लहा चेव । सा पुण सिद्धिवहूए संगमकरणेक्कतल्लिच्छा ॥२६५॥ करिणो इव भवरन्ने सद्धावंता वि संजमं कहवि । पाविति गुरुपओगा सच्छंदविहारसुहरसिया ॥२६६॥
15
20
25
१. तत्परा । Jain Education International 2010_02
For Private & Personal Use Only
www.jainelibrary.org
