________________
10
जयन्तीप्रकरणवृत्तिः । गाथा २१३ मुणिमणमिव समममलं तत्थ सुरा वि रययंति मणिपीढं । जं जिणवंदारुजणं हियएणं धरइ पडिबिंबा ॥२४१॥ वेमाणियसुरकप्पियमणिमयकविसीसरयणपायारो । इट्ठफलो नंदणमिव नाणारुइमंजरीजालो ॥२४२॥ जोइसियनिक्कनिम्मिवियरयणकविसीससालकिरणेहिं । हीरइ लच्छीलीला चंपयवण्णकुसुमसुंदेरो ॥२४३॥ भवणवईहिं रइओ य कणयकविसीसरययपायारो । कुणइ जणाण विलेवणमिव कुंकुमचंदणकरेहिं ॥२४४।। चउदिसिडझंतागुरुधूवधडीउच्छलन्तधूमेहि। सव्वं अवलेवंजणमिव हरियं निवइनयणाणं ।।२४५।। चंदणपल्लववंदणमाला सोहिति पोलिदारेसुं । इंतसिरिकंठसंठियमरगयमणिकंठियाउ व्व ॥२४६।। जिणनाहोवरि रत्तसोयं दट्टण घणमहाभोगं । धरइ असोओ लोओ अइअणुरागं जिणस्सुवरि ॥२४७।। रइयम्मि समोसरणे भवभीयजणाण अभयसरणम्मि । तित्थयरत्तसिरीए विलासभवणम्मि रमणीए ।।२४८।। पुव्वद्दारेण जिणो सिरिवीरो देवकोडीपरियरिओ । पविसेऊणं सिंहासणे निसीयइ तओ तिदिसं ॥२४९।। जिणवरपडिबिम्बाई देवा रययंति सरिसरूवाइं । तित्थयरनामपुन्नप्पभावओ हुंति ताई पि ॥२५०।। तत्तो पज्जोयनिवो मियावई उदयणो सपरिवारो । जिणपायवंदणत्थं उवसंता इंति भत्तीए ।।२५१॥ तिपयाहिणीकरेउं वंदित्ता जिणवरं महावीरं । सुस्सूसाए जहारिहट्ठाणाऽऽसीणेसु भव्वेसु ।।२५२।। तो तावहरणीए पुलयंकुरकारिणीए सरसाए । अमियरससारणीए निद्धीकयखित्तधरणीए ॥२५३।।
15
20
25
Jain Education International 2010_02
For Private & Personal Use Only
www.jainelibrary.org
