________________
10
जयन्तीप्रकरणवृत्तिः । गाथा २।३
तो उज्जोओ दिणयरकरनियरखरतत्तवारणुज्जुत्तो। पज्जोयस्स वि तिक्खत्तणं हरंतो परिप्फुरिओ ॥२२८।। अह गिरिकंदरअंतरअवगाहगहीरदुंदुहिनिनाओ। रोहनिवारणपडहप्पयाणघोसो व्व उच्छलिओ ॥२२९।। रयणमएहिं तत्तो दसद्धवन्नेहिं सुरविमाणेहिं । नंदणमिव कुसुमेहिं समंतओ उच्छयं गयणं ॥२३०॥ पवणदोलिरधयवडकिंकिणिरवमुहलदसदिसाभोओ। बहिरंतरंगरिउजयपिसुणो धम्मज्झओ पत्तो ।।२३१।। तित्थयरत्तसिरि(री)ए रयणमयं दप्पणं व तिलयं व । पिच्छइ य धम्मचक्कं लोओ मुत्तं पयावं व ॥२३२।। बहिरंतो च्चिय समियं रयपडलं कलुसभावसंजणयं । गंधोदगवुट्ठीए तुट्ठीए सव्वलोयस्स ॥२३३।। गयणटियपसरियकरसिंहासणदंसणेणं समकालं । सव्वे चिय दूरगया जमिह गया सव्वलोयाणं ।।२३४।। अइअच्छरियं एवं जमिह जए वीरनाहनिस्साए । चमरोप्पायनिवाए सुरासुराणं पि आणंदो ॥२३५॥ संसारजलहिमहणुप्पन्नसुहापुन्नकुंडतयधवलं । अह पेक्खिय छत्ततयमिव लोए जायमारोग्गं ॥२३६॥ धवलगुणपक्खवाओ हंसगई कणयकमलट्ठियपाओ। निद्दलियजणविसाओ मियावईविहियसुपसाओ ॥२३७|| आगच्छइ जिणराओ वीरो पणमंततियससंघाओ । अइसयसयसंपाओ इय लोएण परिन्नाओ ॥२३८॥ चंदावयरणउज्जाणयम्मि अह तत्थ सो समोसरिओ। चउदसहिं गुणनिहीहि समणसहस्सेहिं परियरिओ ॥२३९।। तो वाउकुमारेहिं पमज्जिए सुरहिसलिलसित्तम्मि । मेहकुमारेहिं पुणो जोयणमित्तम्मि खित्तम्मि ॥२४०।।
25
Jain Education International 2010_02
For Private & Personal Use Only
www.jainelibrary.org
