________________
जयन्तीप्रकरणवृत्तिः । गाथा २।३
मुत्ताहलं व वित्तं विणा सिणिद्धो वि कंतिरिद्धो वि । गरुओ वि सत्थसुद्धो नायमहग्यो हवइ पुरिसो ॥२०२॥ लोए सिरेण बुज्झइ मंगलहेउ त्ति वित्तसंजुत्तो । सिद्धत्थउ व्व लहुओ कडुओ वि हु तिव्वनेहिल्लो ॥२०३।। सव्वासापरिपूरणदुल्ललियं सफलमेव मह सीलं । कल्लाणगोत्तरूढं नंदणवणराईसोहिल्लं ॥२०४।। सीलंगाण सहस्सा अट्ठारस जीए मह मणे इट्ठा । तीए इन्हि किं पुण देसे सीले वि संदेहो ? ॥२०५।। ता बुद्धिओसहीए सीले सिरिपव्वयम्मि लद्धाए । हणिऊण चंडतेयं जं गज्जन्तं गहिस्सामि ॥२०६।। एसो न जुज्झसज्झो पज्जोओ किंतु बुद्धीए जेयव्वो । इय चिन्तिऊण सुइरं मियावई पेसए दूयं" ॥२०७।। तेण य दिट्ठो रायाऽणायासगओ वि जो रविपयासो । सप्पणयं विन्नत्तो सा मियदेवी इमं भणइ ॥२०८॥ कहमागच्छामि अहं ? बालो मे उदयणो सुओ जेण । वइरीहिं परिहविज्जइ लद्धावसरेहिं उग्गेहिं ॥२०९॥ उग्गतमाण वि कहमिव वइरीणं अवसरो इहं अस्थि । उइयम्मि मए सूरे इय भणिए नरवरिंदेणं ॥२१०॥ दुएण पुणो भन्नइ सच्चमिणं किंतु सुव्वइ इमं पि । जोयणसयम्मि विज्जो सामिय ! ऊसीसए सप्पो ।।२११॥ ता उज्जेणी दिढइट्टयाहिं पायारमाइकरणेण । सुत्थं करेह सम्मं जेणऽम्हं निव्वुई होइ ॥२१२॥ ता चउदस रायाणो सबला सेणीए ठाविया तेण । अगइं गंतुमणो रहभोगमणोरहसयाई व ॥२१३।। हत्थाहत्थपरंपरपओगओ आणियाहिं इट्टाहि । कारवियो पायारो उज्जुपज्जोयराएण ॥२१४।।
15
20
25
Jain Education International 2010_02
For Private & Personal Use Only
www.jainelibrary.org
