________________
२०
5
10
जयन्तीप्रकरणवृत्तिः । गाथा २।३ "दुक्खमउ च्चिय एसो संसारो सायरो दुरुत्तरो । जम्मजरामरणजलो आवइउम्मीहि दुप्पिच्छो ॥१८९।। वसणावत्तरउद्दो जोगवियोगाइजलयरायन्नो। ईसाविसायवडवानलजालसहस्ससंपुन्नो ॥१९०।। कुग्गाहदुग्गमग्गो काममहामयरखोहियजलोहो । मिच्छत्तकालकूडो कसायपायालकलसो य ॥१९॥ ते धन्ना कयउन्ना जे उत्तिन्ना परमपयत्तेण । चारित्तजाणवत्तं गहिय गुणरयणसंजुत्तं ॥१९२।। नारीओ धन्नाओ जाओ वयं लिंति इह कुमारीओ। विसयामिसलुद्धाओ मुद्धा अम्हारिसीओ य ॥१९३।। रमणप्पिया पुण बद्धा घरए सारीव वारंवारमहं । निवकुंजरस्स बंधणहेऊ वारीव संजाया ॥१९४।। मम अहियरूवलच्छी एसा लोउत्तरा उ कउओच्छी । जीइ सवणे वि राया जाओ अइकामकच्छुलो ॥१९५॥ अन्नं च दिव्वचरिए वामे वि हु निब्भरेण वित्थरिए । हिययम्मि दुक्खभरिए सत्तं सीलं न मोत्तव्वं ॥१९६॥ अक्खोहो अत्थाओ जलही रयणायरो वि सिरिवासो । अचलियमेरो गरुओ असंखसत्तालयो जेण ॥१९७।। अइउक्कडम्मि सत्ते बुद्धी परिसस्स जायए जीए । अत्थं पेच्छइ एवं कविलस्स वि सासणे भणियं ॥१९८॥ सत्तो सो सप्पुरिसो उदयगओ दिणयरो व्व अन्नेसि । अवहरइ तमं तेयं करइ पयावं जगुज्जोयं ॥१९९॥ सीलं भन्नइ वित्तं सम्मं तमखंडियं वहइ जो उ । सो पउमं व सुराणं लहइ सिरग्गे पइट्ठाणं ॥२००॥ पुरिसो अखंडवित्तो वंसग्गपइट्ठिओ गुणाहारो । कल्लाणकलसरम्मो सियावत्तं व तावहरो ॥२०१॥
15
25
Jain Education International 2010_02
For Private & Personal Use Only
www.jainelibrary.org
