________________
जयन्ती प्रकरणवृत्तिः । गाथा २३
तो चलिओ चंडनिवो पयंडभुयदंडदंडसयसोहो । उप्पन्नमहामोहो उत्तमपियनीइविच्छोहो ॥१७६॥ ततो कोसंबीए उक्का निवडंति तडयडरवेण । जा नज्जति बुहेहिं कयंतकोवानलज्जाला ॥ १७७॥ गयणम्मि अनब्भाओ विज्जुलया चंचलाओ दीसंति । काल भुयंगमजीहासिरीसमीहा फुरन्तीओ ॥ १७८ ॥ पइदिवसं पसरंतीओ उट्टंति अणग्गिधूमकुरुलीओ । किल कुवियकालरयणीकडक्खविक्खेवलच्छीओ ॥१७९॥ सुव्वंतिय निघाया संभावियतिक्खदुक्खसंघाया । संनिहियमच्चुमयगलगलगज्जियसज्जउल्लापा ॥ १८० ॥ इय उप्पायालोयणतरलियनयणो सयाणिओ राया । निसुणेइ देससीमासमागमं चंडरायस्स || १८१ ॥ तो खुद्धमणो राया अणप्पउप्पायदंसुणुप्पिच्छो । अइसारेणं सज्जो एसो जाओ कहासेसो ॥ १८२ ॥ विरहभरनिब्भरंगी मियावई सारणीहिं दिट्ठिहिं । वाहजलेणऽणुसमयं उरत्थलं सिंचए तत्तो ॥ १८३॥ सोएण असोएण व साहपसाहाहिं पसरिएणं व । मूलाओ उट्ठिएणं पल्लविएणं परदलेहिं ॥१८४॥ चिरकम्मपरिणईए वामाए दिन्नकमपहारेणं । दुहपसवसंभवेणं रुक्खत्तं पाविअं गुरुयं ॥१८५॥ विरहगयाणं अहवा लोए पसरंतपक्खवायाणं । कन्हकमलासणाण वि सुन्नासाभमणयं जायं ॥ १८६॥ विरहावत्थो रविसारही वि सक्कइ पयं पि नो गंतुं । विरहदसं संपत्तो कन्नो पंचत्तमावन्नो ॥ १८७॥
जिणवयणसुहासायणदूरुज्झियविसमविसयविसवेगा । सविवेगा य मिगावई देवी चिन्तइ पुणो एवं ॥१८८॥
Jain Education International 2010_02
For Private & Personal Use Only
१९
5
10
15
20
25
www.jainelibrary.org
