________________
जयन्तीप्रकरणवृत्तिः । गाथा २।३ दूयवयणेण तत्तो य कसिणदिट्ठिहिं धूमकुरलीहि । लद्धिन्धणसरिसो पज्जलिओ चंडपज्जोओ ॥१६३॥ दुव्वयणवारिधारानिवायविद्दवियधवलगुणपक्खो । सजलजलओ व्व स निवो संजाओ कलुसपरिणामो ॥१६४॥ चउरो कसायतरुणो हिययस्थलयम्मि तस्स तो रूढा । ईसाकारेल्लीए वल्लीए वलइया ते वि ॥१६५।। वड्डइ अट्टज्झाणं रोद्दज्झाणं च ताण फलसरिसं । नरयदुहदाणदच्छं अहदारुणकडुयपरिणामं ॥१६६॥ किं बहुणा ? मित्तबुहेहि वि विहियं उज्जोयं जो न पेच्छइ सयं च । रागंधो दोसंधो स निवो नामेण पज्जोओ ॥१६७।। पलयम्मि मुक्कमेरो सलिलोप्पीलेहिं पूरए भुवणं । जलही जह तह तत्तो चउरंगदलेहिं चंडनिवो ॥१६८॥ हक्कारई य चउदस महाबला मउडबद्धरायाणो । जेणऽज्ज वि भमियव्वं चउदसरज्जम्मि लोयम्मि ॥१६९॥ तो पत्थाणे आसामुहाई अंधारियाई दट्ठण । देव ! न सहला दीसइ आसा मंतीहिं सो भणिओ ॥१७०॥ अन्नं च देव ! अम्हं सुन्ने तत्तम्मि वट्टए अहुणा । सुरोदउ त्ति कज्जं सुन्नं चिय हंसचारेण ॥१७१।। संमुहपवणपणोल्लियरयपडलेहिं पि पिसुणियं देव ! । न हु एत्थ कज्जसिद्धी कलुसीकयवयणनयणेहिं ॥१७२॥ सउणा वि देव ! दिव्वा(त्ता) सरेण चिट्टागईहिं ठाणेण । साहति साहसेण वि न कज्जसिद्धि मणागं पि ॥१७३॥ एसा वि सिवा सामिय जेट्ठा सउणाण दाहिणा तुम्ह । वाम चिय परिजंपइ महल्लमाहप्पहाणिकरी ॥१७४॥ इय जुत्तिउत्तिमंडलसंगयगुरुमंतिमंतवयणेहिं । न पउत्तेहिं नियत्तइ निवस्स कामगहो कह वि ॥१७५॥
15
20
25
___Jain Education International 2010_02
For Private & Personal Use Only
www.jainelibrary.org
