________________
१७
10
जयन्तीप्रकरणवृत्तिः । गाथा २।३
विहडंति चक्कवाया जह तह रायस्स सुहअभिप्पाया । मउलंति तहा कमला बुद्धिओ जह निवे अमला ॥१५०॥ जह मह तह न कलंको विसुज्झए जलहिमज्जणेणावि । कहिउं व इमं रन्नो अह सहसा उग्गओ चंदो ॥१५१॥ सद्धिं कुमुयवणेहिं वियंभए नरवइस्स रणरणओ । तेसिं तस्स य बहुलो उच्छलिओ नहपरागो वि ॥१५२॥ सह रायनिव्वुईए खीणा रयणी कमेण अह चंदो । निवतावदायिकरभरहित्थो इव अत्थमणुपत्तो ॥१५३।। नक्खत्तेसु चरंतो पुणो पुणो वित्तखंडणुज्जुत्तो । दोसायरो वि संतो कहमेसो चंडपज्जोओ ? ॥१५४।। अवणितो नीलपडं तमपडलं करहसहस्सपसरेण । इय चिन्तिऊण रोसारुणो व्व उइओ जयचक्खू ॥१५५।। कोसंबीनयरीए पज्जोओ पट्ठवेइ तो दूयं । दुव्वयणं कलुसं तं तमं व रायं सयाणीयं ॥१५६॥ चंडस्स तओ दूओ सद्धि अजसेण तत्थ संपत्तो । पिच्छइ य सयाणीयं पडिहारपवेसिओ रायं ॥१५७॥ तेण वि भणियं सुमरइ मज्झ पहू तुज्झ सकलत्तेण । तो नियमहिलं पेससु सिवदेवीदंसणनिमित्तं ॥१५८॥ रन्ना भणियं मज्झ वि तुह सामी वसइ माणसे किं न ? । जइ इच्छइ नियभगिणिं दटुं ता एउ सिवदेवी ॥१५९॥ दूओ जंपइ इति भयणि दटुं न लज्जए देवी । कप्पलया इव लज्जइ तुमए पुण कडुयरुक्खेण ॥१६०॥ दूओ त्ति तुममवज्झो वज्झो पुण सामिओ वि सिट्ठाणं । अहवा खारसमुद्दे खारो च्चिय होउ उग्गारो ॥१६१।। इय नरवरेण भणिओ दूओ चंडस्स कोवचंडालं।
छिविऊणं स सव्वंगं सिग्धं दूरं अवकंतो ॥१६२॥ १. नि:श्वासो । २. लज्जितः । ३. राहुवत् ।
15
20
25
Jain Education International 2010_02
For Private & Personal Use Only
www.jainelibrary.org
