________________
5
10
15
20
25
१६
जयन्तीप्रकरणवृत्तिः । गाथा २१३
Jain Education International 2010_02
मीणोवमोयरीए तीए रूवम्मि अणिमिसच्छम्मि । उव्वत्तंते हुंति य उक्कलिया माणसे तस्स ॥१३७॥ उव्वसीजुव्वणमोहणवल्लीघणकंदसिहिणदेहीए । मूढो अमग्गगामी एवं चिंतेइ सो राया ॥१३८॥ कह पढमदंसणे मह मियहासवियासिदसणकिरणेहिं । सा वियरिस्सइ चंदणमिस्सियकुसुमंजली अग्घं ? ॥१३९॥ मुहइंदुचंदिमाए तीए मह कुवलयाभनयणाण । संभाविज्जइ कइया वियासणमोयसंभारो ? ॥१४०॥
सुपसायखीरसायरलहरिसरिच्छेहिं दिट्टिच्छोहेहिं । न्हविऊण कया सा मं करिस्सए समियसंतावं ? ॥ १४१ ॥ संगमरसेण सित्ते पमयारामम्मि पल्लविज्जंते । मह तैंसि कया होही ? सिरीससुकुमारफंससुहं ॥ १४२॥ किं बहुणा ? चित्तयरचित्तदंसणगुरुवन्नणकन्हकालकूडेण । कज्जाकज्जविवेयणचेयणरहिओ निवो जाओ || १४३ || अहवा दुल्लहइच्छा अणग्गिचुडुली अबंधणा गुत्ती । जीवाणं जंबालं अजलं मरणं सउस्सासं ॥ १४४ ॥ एत्थंतरम्मि अवराभिमुो सूरो वि तेयपरिहीणो । नीयं नीयं ठाणं जन्तोऽदट्ठव्वयं पत्तो ॥ १४५ ॥ रयणीए सयलो वि हु मियावइउम्माहराहुगसियंगो । दोसारो तिराया सुहासियं धरइ न हु रूवं ॥१४६॥ अदंसणे वि रत्तो मिगावईए निवोत्ति संझावि । दूरे विगए सूरे रत्ता किल पौडिसिद्धिए ॥१४७॥ खर्णादिट्ठनरूवो राओ जह मज्झ सव्वरामाणं / रायाणं पडिबोहइ संझा किर सउणसद्देहिं ॥ १४८॥ सपरघरदारमग्गामग्गविवेओ जहा न रोएण । कीरइ ए वि एवं इय पुरियं अंधयारेण ॥ १४९ ॥ १. तस्यां । २. उल्मुक । ३. स्पर्द्धया । ४. शर्वरामानम् । ५. चन्द्रेण ।
For Private & Personal Use Only
www.jainelibrary.org
