________________
10
जयन्तीप्रकरणवृत्तिः । गाथा २।३
ईसा सिज्जाए च्चिय उप्पलदलकोमला सुहं देइ । पुरिसम्मि पुणो ईसा ता वयरी अग्गिजाल व्व ॥१२४॥ संडासयम्मि छिन्ने पुणरवि साकेयपुरवरं गंतुं । सो चित्तयरो जक्खं आराहइ परमभत्तीए ॥१२५।। भत्तीए गहिएणं दिन्नो जक्खेण तस्स आएसो । वामकरेण वि चित्तसु तहाविहं मज्झ माहप्पा ॥१२६।। पत्ते जक्खाएसे अइकुद्धो सो सयाणियस्सुवरि । धूमद्धओ वियंभइ अहवा लट्ठिन्धणो धणियं ॥१२७॥ रन्नाऽहं निग्गहिओ किच्चाकिच्चं न चिंतियं जमिह । किच्चुट्ठावणमेयं अप्पवहत्थं कयं तेण ॥१२८॥ इय चिंतिऊण एसो फलए निहियं मिगावईरूवं । उज्जेणीए दरिसइ चंडप्पज्जोयरायस्स ॥१२९॥ तो विम्हिएण रन्ना भणइ किं सक्कविरहिया रंभा ? । चित्तयरेणं भणियं हरिमेसा संपयं लहिही ॥१३०॥ कोसंबीनयरीए एसा देवी सयाणियनिवस्स। रूवाइरयणखाणी मिगावई देव ! नामेण ॥१३१॥ तो रूवाइगुणेहिं बद्धाइं तस्स नयणकमलाई । ताणमणुकंपासत्तो जो तारो कन्हसारो वि? ||१३२।। तीए करचरणेसुं असोयकुसुमारुणेसु नरवइणो । रत्तोप्पले व्व अहरे दिट्ठी भमरि व्व संलीणा ॥१३३॥ तीए कज्जलकुरुलीकुडिलालयलोहसंकलाबद्धो । रायमणो वि न धणियं कविचावललीलमावहइ ॥१३४॥ लावन्नामयकुंभीए तीए अइलुद्धनागललियम्मि । दिढे वेणिदंडे रन्नो मुच्छंगओ अप्पा ॥१३५।। सुरसरिपुलिणमहत्थललीलनियंबम्मि मंदगइगमणो । सिग्घं राया कहमवि न पेच्छए तीए परभागं ॥१३६।।
15
20
25
Jain Education International 2010_02
For Private & Personal Use Only
www.jainelibrary.org
