________________
१४
10
जयन्तीप्रकरणवृत्तिः । गाथा २।३ कालस्सऽहवा लोयणतारयमिव विप्फुरन्ततेइल्लं । ईसाविसवल्लीए कंदंकुरविब्भमं सहसा ॥१११॥ भणइ निवो चित्तयरो हंतव्वो जेण इत्थ रूवम्मि । विहियमकज्जव्वं जणमंजणमूरुम्मि देवीए ॥११२।। तो चित्तयरस्सेणी उवट्ठिया सुट्ठ कट्ठभरसल्ला । निस्सेणीआरोहे रायपासयम्मि पासाए ॥११३।। कह सहसा अपसाओ ! सामिय ! एयम्मि तुम्ह चित्तयरे । विणएणं पच्चक्खो जेण कओ सुरप्पिओ जक्खो ॥११४॥ दोसोदयम्मि सययं अमयकरो चेव होइ इह राया । तो किं ? दोसाभावे विगत्तणो तं सि सोमो वि ॥११५॥ सव्वेहिं तो अहियं विहियं जं देव ! चित्तमेएणं । तं अहियं चिय जायं रोहइ जं वावियं चेव ॥११६॥ वसुपूरणमासाणं दुद्रुतमाणं विणासमविदिन्तो । चित्तागओ पयच्छइ सच्चं चिय गोवई तावं ॥११७।। तुज्झपसायसमीहाए निम्मियं चित्तकाममेएण । विहिओ पुण अपसाओ विसमगई चित्तकम्माणं ॥११८॥ ता नाह ! पणयवच्छल ! वच्छाहिव सच्छ मच्छरविमुक्क । अभयमिमस्स पयच्छसु अच्छसु संमाणणा दूरे ॥११९।। रन्नो भणइ एसो निद्दोसो कह हविज्ज ? देवीए । संचरइ अन्नहा कह मुणइ ? मसं तीए ऊरुम्मि ॥१२०॥ जंपंति य चित्तयरा लद्धवरो एस सव्ववत्थुस्स । अंसं पि पिच्छिऊणं तं हि तहा सव्वहा लिहइ ॥१२१॥ ता खुज्जाए वयणे जालन्तरियाए दंसिए लिहियं । तीए रूवं तहवि हु विणासिओ तस्स संदंसो ॥१२२॥ रोसपओसोल्लासे अत्थमिए नाणदिणयरे जीवा । पुरओ समविसमं वा जं भव्वं तं न पेच्छन्ति ॥१२३॥
15
25
Jain Education International 2010_02
For Private & Personal Use Only
www.jainelibrary.org
